سوہم چکرورتی کو جان سے مارنے کی دھمکی، شوبھندو سے رجوع کیا

بی جے پی رہنما اور معروف پروڈیوسر کی جانب سے جان سے مارنے کی دھمکی ملنے کے بعد اداکار و ایم ایل اے سوہم چکرورتی نے وزیر اعلیٰ شبھیندو ادھیکاری، روپا گنگولی اور رودرنیل گھوش سے رجوع کیا ہے۔ اپنی ذہنی اذیت کا اظہار کرتے ہوئے سوہم نے بتایا کہ گزشتہ ڈیڑھ ماہ سے وہ خوف کے مارے ٹھیک سے سو بھی نہیں پائے ہیں اور ان کی آنکھوں کے سامنے ہر وقت ایک عجیب اور خوفناک چہرہ گھومتا رہتا تھا۔ اس شدید بحران کے وقت ٹالی ووڈ کے ساتھیوں اور بی جے پی رہنماوں رودرنیل گھوش اور روپا گنگولی نے سوہم کو قانونی راستہ اختیار کرنے کے ساتھ ساتھ اس خوف کے ماحول سے باہر نکلنے کے لیے حوصلہ رکھنے کا مشورہ دیا ہے۔ گزشتہ چند ہفتوں سے سوہم چکرورتی ایک شدید ذہنی صدمے سے گزر رہے ہیں۔ واقعے کی تفصیلات بتاتے ہوئے سوہم کا دعویٰ ہے کہ ایک پروڈیوسر کی طرف سے جان سے مارنے کی دھمکی ملنے کے بعد سے وہ گزشتہ ڈیڑھ ماہ سے رات کو ایک پل بھی سو نہیں سکے ہیں۔ وہ شدید ذہنی خوف میں دن گزار رہے تھے۔خوف کی شدت کے باعث رات کو آنکھیں بند کرتے ہی انہیں ایک عجیب اور ہولناک چہرہ دکھائی دیتا تھا، جس نے ان کے ذہنی دباو میں مزید اضافہ کر دیا تھا۔ ٹالی ووڈ (بنگالی فلم انڈسٹری) میں سیاسی تبدیلی کے اس ماحول میں دھمکی ملنے پر سوہم نے براہِ راست ریاست کے وزیر اعلیٰ شبھیندو ادھیکاری سے تحفظ کی اپیل کی ہے اور معاملے کی جانچ کرنے کی درخواست کی ہے۔ سیاسی نظریات مختلف ہونے کے باوجودرودرنیل گھوش نے سوہم کو مشورہ دیا کہ وہ فوری طور پر تھانے میں تحریری شکایت درج کروائیں اور قانونی راستہ اختیار کریں۔ روپا گنگولی نے انہیں خوف پر قابو پانے کا مشورہ دیتے ہوئے کہا کہ انڈسٹری کے اندر کسی بھی قسم کی غنڈہ گردی یا دھمکی کو برداشت نہیں کیا جائے گا۔ سیاسی وابستگی سے قطع نظر تمام فنکاروں کے تحفظ کو یقینی بنانا ضروری ہے۔ انتخابات کے بعد بنگال کی سیاسی صورتحال مکمل طور پر بدل چکی ہے اور اس کا گہرا اثر ٹالی ووڈ پر بھی دیکھنے کو مل رہا ہے۔ ایسے حالات میں ایک معروف اداکار اور سابقہ حکمران جماعت کے رہنما کو اس طرح جان سے مارنے کی دھمکی ملنا اور ان کا مخالف جماعت کے رہنماوں کے پاس پناہ لینا فلمی دنیا میں ایک نیا ہنگامہ کھڑا کر گیا ہے۔

Source: PC-anandabazar