ایس آئی آر کی وجہ سے خاتون نے خودکشی کر لی

ایس آئی آر کی وجہ سے خاتون نے خودکشی کر لی ہگلی 27 دسمبر:ہوگلی کے گوگھاٹ میں ایس آئی آر (SIR) کی سماعت کے نوٹس نے ایک خاتون کو اس قدر خوفزدہ کر دیا کہ اس نے مبینہ طور پر زہر کھا کر خودکشی کی کوشش کی۔ متاثرہ خاتون، جس کا نام جیا گھنٹیشوری ہے، اس وقت اسپتال میں زندگی اور موت کی جنگ لڑ رہی ہے۔جیا گھنٹیشوری کے والدین کا بچپن میں ہی انتقال ہو گیا تھا۔ اس کے والد بانکوڑا میں پولیس کانسٹیبل تھے اور ملازمت کے دوران ہی فوت ہو گئے تھے۔چونکہ ان کی موت 2002 سے پہلے ہوئی تھی، اس لیے الیکشن کمیشن کی 2002 کی ووٹر لسٹ میں ان کا نام نہیں ہے۔2002 میں جیا کی عمر محض 16 سال تھی، اس لیے اس وقت ان کا ووٹر کارڈ نہیں بنا تھا۔ شادی کے بعد انہوں نے گوگھاٹ میں اپنا ووٹر کارڈ بنوایا اور کئی بار ووٹ بھی دیا۔ایس آئی آر کی سماعت کے لیے ضروری دستاویزات (خاص طور پر 2002 سے پہلے کے ریکارڈ) جمع نہ کر پانے کے خوف اور گھبراہٹ میں انہوں نے یہ قدم اٹھایا۔ ٹی ایم سی کا دعویٰ ہے کہ بی جے پی لیڈروں کے اشتعال انگیز بیانات اور ووٹر لسٹ سے نام کٹنے کے خوف کی وجہ سے خاتون نے زہر کھایا۔ بی جے پی نے ان الزامات کو مسترد کرتے ہوئے دعویٰ کیا ہے کہ یہ واقعہ خاندانی جھگڑے کا نتیجہ ہے۔یہ واقعہ ہفتہ کے روز ایس آئی آر کی سماعت کے آغاز کے ساتھ ہی پیش آیا، جس نے پورے علاقے میں سنسنی پھیلا دی ہے۔

Source: Social Media