ریاستی حکومت نے کانور یاتریوں کےلئے پاﺅں کی مالش کا انتظام کرنے کا فیصلہ کیا

ریاستی حکومت نے کانور یاتریوں کےلئے پاﺅں کی مالش کا انتظام کرنے کا فیصلہ کیا شراوان مہینے میں ترکشور، جلیشور اور دیوگھر جانے والی کانوار یاترا میں لاکھوں عقیدت مندوں کے اجتماع کو مدنظر رکھتے ہوئے متعلقہ اضلاع کو تیاریوں کی ہدایت دے دی ہے نبانّہ نے۔ ہگلی، جلپائیگوری، مشرقی اور مغربی بردھمان کے ضلع مجسٹریٹوں کو ہدایت بھیج کر محفوظ اور منظم یاترا کو یقینی بنانے کے لیے متعدد اقدامات کرنے کو کہا گیا ہے۔ سب سے زیادہ توجہ یاتریوں کے پاو¿ں پر دینے کو کہا گیا ہے۔ ہدایت نامے میں بتایا گیا ہے کہ یاترا کے راستے پر تقریباً ہر 5 کلومیٹر کے فاصلے پر 'خصوصی خدمت کیمپ' (سہولت کیمپ) بنائے جائیں۔ وہاں تھکے ہوئے یاتریوں کے لیے پاوں کی دیکھ بھال اور مالش کا انتظام ضرور ہونا چاہیے۔ اس کے علاوہ درد دور کرنے والے سپرے اور موسمی پھل، بھگونے والے چنے، گڑ، بتاشے (شکر کی گولیاں) سمیت ہلکی غذائی اشیائ فراہم کرنے کا بھی مشورہ دیا گیا ہے۔ نبانّہ ذرائع کے مطابق، ہر ضلع کے لیے علیحدہ کام کی منصوبہ بندی کی جا رہی ہے۔ ہر خدمت کیمپ میں پینے کا پانی، صاف ستھرے بیت الخلائ، ضرورت کے مطابق موبائل ٹوائلٹ، ابتدائی طبی امداد، ہنگامی صحت کی سہولت، او آر ایس، ایمبولینس سروس، آرام کے لیے شامیانے اور مناسب صفائی ستھرائی کے انتظامات کرنے کو کہا گیا ہے۔ اس کے علاوہ ہجوم پر قابو، سیکورٹی، مناسب روشنی کا انتظام، پبلک ایڈریس سسٹم، آگ سے حفاظت، ہنگامی خدمات اور بلا تعطل شہری سہولیات کو یقینی بنانے پر بھی زور دیا گیا ہے۔ نبانّہ کے ایک افسر کے مطابق، اس انتظام کے لیے ضلع انتظامیہ کو پولیس، محکمہ صحت، محکمہ صحت عامہ کی انجینئرنگ، محکمہ تعمیرات، پنچایت اور بلدیہ، محکمہ نقل و حمل، محکمہ بجلی، آفات سے نمٹنے، فائر بریگیڈ، مندر کے حکام اور رضاکار تنظیموں کے ساتھ قبل از وقت ہم آہنگی میٹنگ کرنے کی ہدایت دی گئی ہے۔

Source: Social Media