آر جی کار معاملے سے جسٹس راج شیکھر مانتھا دست بردار

اس رپورٹ کے مطابق ریاست میں حکومت کی تبدیلی کے بعد "ابھیا کیس میں ایک نیا موڑ آیا ہے، جہاں جسٹس راج شیکھر مانتھا کی ڈویڑن بنچ نے اس کیس کی سماعت سے دستبرداری اختیار کر لی ہے۔ جسٹس مانتھا نے منگل کو بتایا کہ چونکہ نئی حکومت اس کیس کی تحقیقات کے لیے "ریاستی جوڈیشل کمیشن" تشکیل دے رہی ہے، اس لیے فی الحال اس بنچ کے ذریعے سماعت کی ضرورت نہیں ہے۔ ضابطے کے مطابق اب یہ معاملہ چیف جسٹس کے پاس بھیج دیا گیا ہے۔: رپورٹ میں ذکر ہے کہ سابقہ ترنمول حکومت کی بے دخلی میں آر جی کر کیس کے خلاف ہونے والے احتجاج نے اہم کردار ادا کیا۔ ڈیوٹی پر مامور نوجوان خاتون ڈاکٹر کے ساتھ زیادتی اور قتل کے واقعے نے عالمی سطح پر غم و غصے کی لہر دوڑا دی تھی۔ اگرچہ عدالت نے سیوک رضاکار سنجے رائے کو قصوروار قرار دیتے ہوئے عمر قید کی سزا سنائی ہے، لیکن مقتولہ کے والدین اور عام لوگ اس فیصلے سے مطمئن نہیں ہیں۔ ان کا الزام ہے کہ اصل حقائق کو چھپایا گیا ہے۔انصاف کے حصول کی امید میں مقتولہ کی والدہ، رتنا دیوبناتھ، انتخابات سے قبل بی جے پی میں شامل ہو گئی تھیں۔ وہ اب پانی ہاٹی سے ایم ایل اے منتخب ہو چکی ہیں اور ان کا واحد مطالبہ اپنی بیٹی کے لیے مکمل انصاف ہے۔

Source: PC-sangbadpratidin