کولکتہ 6مارچ: کلکتہ ہائی کورٹ کے حکم پر پولیس نے جادو پور یونیورسٹی کے طالب علم اندرنوج رائے کی شکایت پر ایف آئی آر درج کی ہے۔ وزیر تعلیم برتیا باسو اور پروفیسر اوم پرکاش مشرا کے خلاف ایف آئی آر درج۔ پولیس نے قتل کی کوشش، خاتون پر حملہ، چھیڑ چھاڑ اور دھمکیوں سمیت متعدد دفعات کے تحت مقدمہ درج کیا ہے۔ پولیس ذرائع کے مطابق تعزیرات ہند کی دفعہ 115، 115(2)/74/351(3)/109/3(5) کے تحت مقدمہ درج کیا گیا ہے۔جاداو پور یونیورسٹی میں گزشتہ ہفتہ کو پیش آئے اس واقعہ کے جواب میں فرسٹ ایئر کے طالب علم اندرنوج رائے کی جانب سے ای میل کے ذریعے پولس اسٹیشن میں شکایت درج کروائی گئی۔ تاہم پولیس نے مبینہ طور پر اس سلسلے میں کوئی مقدمہ درج نہیں کیا۔ اس کے بعد بدھ کو ہائی کورٹ میں مقدمہ دائر کیا گیا۔ وکیل وکاس رنجن بھٹاچاریہ نے طلبائ کی نمائندگی کرتے ہوئے کہا کہ سات لوگوں کی ایف آئی آر میں جھوٹے دعوے کیے گئے ہیں۔ طلبہ کے خلاف کوئی ایف آئی آر درج نہیں ہوئی۔ "تاہم، طالب علموں کے خلاف شکایت کرنے والوں کے خلاف ایف آئی آر درج کر لی گئی ہیں۔" جسٹس تیرتھنکر گھوش نے پھر ریاست سے پوچھا کہ ایف آئی آر کیوں درج نہیں کی گئی۔ بعد میں انہوں نے واضح طور پر ہدایت دی کہ زخمی طالب علم اندرنوج رائے کی شکایت کو ایف آئی آر کے طور پر لیا جائے۔

Source: Mashriq News service