پٹرول اور ڈیزل کی قیمتوں میں ایک بار پھر اضافہ! آخری 10 دنوں میں یہ چوتھی مرتبہہے

ایندھن کی قیمتوں میں مسلسل اضافہ ہو رہا ہے۔ ہفتہ کے بعد ایک بار پھر ملک بھر میں پٹرول اور ڈیزل کی قیمتوں میں اضافہ کیا گیا۔ دہلی میں پٹرول کی قیمت میں ڈھائی روپے سے زیادہ کا اضافہ ہوا اور یہ سو روپے کی حد عبور کر گئی۔ ڈیزل کی قیمت بھی سو روپے کی حد کے قریب پہنچ گئی ہے۔ پیر کو دہلی میں پٹرول کی قیمت میں 2.61 روپے فی لیٹر اور ڈیزل کی قیمت میں 2.71 روپے فی لیٹر کا اضافہ ہوا۔ اس کے نتیجے میں دارالحکومت میں پٹرول کی نئی قیمت 102.12 روپے ہو گئی ہے۔ وہاں ڈیزل 95.20 روپے میں فروخت ہو رہا ہے۔ کولکاتا میں بھی پٹرول اور ڈیزل کی قیمتوں میں اضافہ ہوا ہے۔ فی لیٹر 2.87 روپے کے اضافے کے بعد شہر میں پٹرول کی نئی قیمت 113.51 روپے ہو گئی ہے۔ فی لیٹر 2.80 روپے کے اضافے کے بعد کولکاتا میں ڈیزل کی قیمت 99.82 روپے ہو گئی ہے۔ اس کے علاوہ، ممبئی میں ایک لیٹر پٹرول 111.21 روپے میں مل رہا ہے، جس میں 2.72 روپے کا اضافہ ہوا ہے۔ چنئی میں 2.46 روپے کے اضافے کے بعد ایک لیٹر پٹرول کی نئی قیمت 107.77 روپے ہے۔ ممبئی میں ڈیزل کی قیمت میں 2.81 روپے کا اضافہ ہوا ہے۔ وہاں ایک لیٹر ڈیزل 97.83 روپے میں مل رہا ہے۔ چنئی میں ڈیزل کی قیمت میں 2.57 روپے کا اضافہ ہوا ہے اور فی لیٹر کی نئی قیمت 99.55 روپے ہو گئی ہے۔

Source: PC-anandabazar