پہلے آدھے گھنٹے تک صرف پوسٹل بیلٹ گنے گئے

پہلے آدھے گھنٹے تک صرف پوسٹل بیلٹ گنے گئے گنتی کا آغاز صبح 8:00 بجے پوسٹل بیلٹ سے ہوا۔پہلے آدھے گھنٹے تک صرف پوسٹل بیلٹ گنے گئے۔ صبح 8:30 بجے سے ای وی ایم کے ووٹوں کی گنتی شروع ہوگی، جس کے بعد دونوں عمل ساتھ ساتھ چلیں گے۔ الیکشن کمیشن کے اصول کے مطابق، ای وی ایم کے آخری دو راونڈز کی گنتی مکمل ہونے سے پہلے پوسٹل بیلٹ کی گنتی ختم ہونا ضروری ہے۔ اگر ای وی ایم کے آخری مراحل تک پوسٹل بیلٹ کی گنتی مکمل نہیں ہوتی، تو ای وی ایم کی گنتی عارضی طور پر روک دی جائے گی۔ پوسٹل بیلٹ کا عمل مکمل ہونے کے بعد ہی ای وی ایم کے بقیہ راونڈز گنے جائیں گے۔ریاست میں پوسٹل بیلٹ کی گنتی کے لیے ہر حلقے کے لیے علیحدہ کمرے (کل 293 کمرے) مختص کیے گئے ہیں۔ یہ سہولت درج ذیل افراد کو فراہم کی جاتی ہے، الیکشن ڈیوٹی پر مامور ملازمین، پولیس، ہوم گارڈز اور سول ڈیفنس۔ ریلوے، میٹرو، محکمہ صحت، فائر بریگیڈ، بجلی کا محکمہ اور ایمبولینس سروس کے ملازمین۔ الیکشن کمیشن سے منظور شدہ صحافی۔ ملک کی سرحدوں پر تعینات سروس ووٹرز۔وہ ووٹرز جنہیں کسی وجہ سے حراست میں رکھا گیا ہو۔

Source: Social Media