پارٹی کے لوگوں پر ہورہے ظلم کے خلاف ممتا بنرجی دھرنے پر

بنگال اسمبلی انتخابات کے بعد ہی ترمول میں عذاب کا دور شروع ہو گیا ہے۔ ایک کے بعد ایک رکن زبان کھولنے لگے ہیں۔ یہاں تک کہ پارٹی ٹوٹنے کے خطرے کو بھی رد نہیں کیا جا سکتا۔ اس کے درمیان آج منگل کو سڑک پر اتر رہی ہیں ممتا بنرجی ۔ انتخابات کے بعد کے تشدد، دکانداروں کی بے دخلی سمیت متعدد الزامات کو سامنے رکھتے ہوئے آج ان کا دھرنا دینا ہے۔ تاہم دھرنے کی جگہ کو لے کر پیچیدگی ہے۔ پولیس کی طرف سے رانی راس مونی روڈ پر دھرنا دینے کی اجازت نہیں دی گئی۔ اس کی جگہ وائی چینل پر دو گھنٹے کے لیے اجازت دینے کی بات کہی گئی ہے۔ تاہم اس معاملے میں ترمول لیڈر کا ردّ عمل ہے کہ پولیس جہاں روکے گی وہیں بیٹھ کر دھرنا دیا جائے گا۔ ان کے الفاظ میں، ''اگر گرفتار کرنا ہے تو کریں۔ ماریں گے تو مار کھائیں گے۔'' اس سلسلے میں ممتا بنرجی نے پیر کو مزید کہا، ''ترمول رہنماوں اور کارکنوں کو سڑکوں پر روکنے کا منصوبہ بنایا جا رہا ہے۔ کوئی نہیں ہوگا تو میں اکیلے جاوں گی۔ جہاں روکیں گے وہیں بیٹھ کر دھرنا دوں گی۔ وہی دھرنے کی جگہ ہوگی۔ اگر گرفتار کرنا ہے تو کریں۔ ماریں گے تو مار کھائیں گے۔ بنگال میں مجھے جمہوری تحریک کرنے نہ دیا تو دہلی جا کر تحریک کروں گی۔'' ممتا بنرجی نے پارٹی قیادت کو یہ بھی بتا دیا ہے کہ اگر میٹنگ کرنے نہ دیا تو کوئی عدالت سے اجازت لینے نہیں جائے گا۔

Source: PC-sangbadpratidin