پالتو کتے کو لےمہوا مترا کی لڑائی دہلی کورٹ پہنچ گئی

کولکاتا19فروری :ترنمول کانگریس کی ایم پی مہوہ موئترا اپنے پالتو کتے 'ہنری کی تحویل حاصل کرنے کے لیے دہلی کی نچلی عدالت کے بعد اب دہلی ہائی کورٹ پہنچ گئی ہیں۔ وہ اپنے سابق ساتھی جے اننت دیہادرائی کے ساتھ اس سرکردہ قانونی جنگ میں مصروف ہیں۔مہوہ موئترا چاہتی تھیں کہ ہنری مہینے میں کم از کم 10 دن ان کے پاس رہے، لیکن دہلی کی ساکیت کورٹ نے ان کی یہ درخواست مسترد کر دی تھی۔ اب انہوں نے اس فیصلے کو ہائی کورٹ میں چیلنج کیا ہے۔ مہوہ کا موقف ہے کہ اگرچہ ہنری جے اننت کا تحفہ تھا، لیکن اس کی تمام تر دیکھ بھال انہوں نے کی ہے۔ ان کا کہنا ہے کہ محض رقم ادا کر کے خریدنے سے کوئی مالک نہیں بن جاتا۔ مہوہ نے اس کیس کے لیے چار وکلاء (دھرو ملک، کیرتی راج، رودرکش ماتھر اور شیوین ورما) کے ذریعے اپنی پٹیشن دائر کی ہے۔ دوسری طرف، جے اننت خود عدالت میں ہنری کو اپنے پاس رکھنے کے لیے جرح کر رہے ہیں۔ واضح رہے کہ جے اننت وہی وکیل ہیں جنہوں نے مہوہ موئترا پر پارلیمنٹ میں پیسے لے کر سوال پوچھنے کا الزام لگایا تھا۔دہلی ہائی کورٹ کے جسٹس منوج کمار اوہری نے تفصیلی سماعت کے لیے تمام فریقین کو نوٹس جاری کر دیے ہیں۔

Source: PC- tv9bangla