نریندر مودی دورہ بنگال کے دوران پہلے وندے بھارت سلیپر کا افتتاح کریں گے

اگر سب کچھ ٹھیک رہا تو نئی وندے بھارت سلیپر ٹرین کا افتتاح اس ماہ 18 جنوری کو ہونے جا رہا ہے۔ وزیر اعظم نریندر مودی اس ٹرین کا افتتاح کریں گے۔ مودی 17 جنوری کو مالدہ میں جلسہ عام کریں گے۔ اس کے بعد وہ ہوڑہ میں وندے بھارت کا افتتاح کریں گے اور سیاسی میٹنگ کریں گے۔یہ ٹرین ہوڑہ-کامکھیا روٹ پر بندل، کٹوا، مالدہ ٹاﺅن، نیو جلپائی گوڑی، نیو کوچ بہار، نیو بنگ گاﺅں اور کامکھیا اسٹیشنوں پر رکے گی۔ یہ ٹرین 14 سے 15 گھنٹے میں ہوڑہ سے کامکھیا پہنچے گی۔ کھانے سمیت تھرڈ اے سی کا کرایہ 2,300 روپے، دوسرے اے سی کا 3,000 روپے اور پہلے اے سی کا 3,600 روپے ہے۔ مسافر ٹرین کے ذریعے ہاوڑہ سے کامکھیا تک 966 کلومیٹر کا سفر کریں گے۔ اس مکمل طور پر ایئر کنڈیشنڈ ٹرین میں 16 بوگیاں ہیں۔ اس ٹرین میں ایک وقت میں 823 مسافر سفر کر سکتے ہیں۔وندے بھارت ایکسپریس ملک کی پریمیم ٹرینوں میں سے ایک ہے۔ جس سے بلاشبہ ریلوے خدمات کی رفتار میں اضافہ ہوا ہے۔ اس بار دیسی ٹیکنالوجی سے بنا وندے بھارت کا سلیپر ورڑن ملک کی پٹریوں پر چلے گا۔ وزیر ریلوے نے کہا کہ یہ ٹرین گوہاٹی اور کلکتہ کے درمیان چلے گی۔ 16 بوگیوں والی ٹرین مکمل طور پر ایئر کنڈیشنڈ ہے۔ اشونی وشنو نے کہا کہ اتنا ہی نہیں، مسافروں کو سیکورٹی، ایمرجنسی ٹاک بیک سسٹم جیسی تمام جدید خدمات حاصل ہوں گی۔ معلوم ہوا ہے کہ 16 کوچز میں سے 11 اے سی تھری ٹائر، چار اے سی ٹو ٹائر اور ایک فرسٹ کلاس اے سی کوچ ہوگی۔ کچھ دن پہلے نئے وندے بھارت سلیپر پر 'واٹر ٹیسٹ' کیا گیا تھا۔ ریلوے کے وزیر اشونی وشنو نے خود اس ویڈیو کو اپنے سوشل میڈیا پر شیئر کیا۔ دیکھا جا سکتا ہے کہ ٹرین 180 کلومیٹر فی گھنٹہ کی رفتار سے چلنے کے باوجود شیشے سے پانی کی ایک بوند بھی نہیں ٹپک رہی ہے۔ ٹرین کا کوٹا سے ناگدا سیکشن پر تجربہ کیا گیا۔ وہیں وندے بھارت سلیپر ٹرین نے پورے نمبروں کے ساتھ امتحان پاس کیا۔ اور اس کے بعد وزیر ریلوے نے گوہاٹی سے کولکتہ تک وندے بھارت سلیپر کا اعلان کیا۔ تاہم اس نئی ٹرین کے ٹائم ٹیبل کا ابھی اعلان نہیں کیا گیا ہے۔

Source: Social Media