Kolkata

اب پیدائش اور موت کے سرٹیفکیٹ کے لیے نئے قواعد، شرائط

16/07/26

اب پیدائش اور موت کے سرٹیفکیٹ کے لیے نئے قواعد، شرائط ایس آئی آر (SIR) کے دور میں بنگال میں پیدائش اور موت کے سرٹیفکیٹ کو لے کر متعدد شکایات سامنے آئی ہیں۔ لہٰذا نئی حکومت کے برسراقتدار آنے کے ساتھ ہی برتھ اور ڈیتھ سرٹیفکیٹ جاری کرنے کے حوالے سے کئی نئے قواعد متعارف کرائے گئے ہیں۔ پیدائش اور موت کے جعلی سرٹیفکیٹ سے بچنے کے لیے دستاویزات کے اندراج میں اب ریاستی حکومت نے نیا ضابطہ نافذ کیا ہے۔ کابینہ کے اجلاس کے بعد ہیلتھ ڈیپارٹمنٹ نے نیا نوٹیفکیشن جاری کیا۔ رجسٹریشن آف برتھ اینڈ ڈیتھ (ترمیمی) قواعدجاری کر کے گزٹ نوٹیفکیشن دیا گیا ہے۔ ترمیمی قواعد کے مطابق، اس سلسلے میں فارم پ±ر کرتے وقت کسی بھی طرح سے نام کا کوئی مختصر (شارٹ فارم) استعمال نہیں کیا جا سکے گا۔پتے کے حوالے میں ریاست یا مرکز کے زیر انتظام علاقے کا نام ضرور درج کرنا ہوگا۔ ضلع، شہر یا گاو¿ں، وارڈ نمبر، علاقہ، مکان نمبر، پن کوڈ لازمی ہوگا۔ڈیتھ سرٹیفکیٹ کی صورت میں فارم میں بیماری کی تاریخ (میڈیکل ہسٹری) درج کرنا ہوگی۔دیر سے پیدائش یا موت کے اندراج کے قواعد میں بھی سختی کی گئی ہے۔ 30 دن بعد درخواست دینے کی صورت میں اس کی وجہ، مجاز اتھارٹی کی اجازت اور مطلوبہ دستاویزات جمع کرانا لازمی ہوگا۔

Source: Admin