نیو بریک پور علاقے میں مارکسی امیدوار دیپ سیتا دھر کے خلاف ریلی

شمالی دمدم اسمبلی حلقہ سے سی پی آئی (ایم) امیدوار دیپسیتا دھر اور نیو بیرک پور میونسپلٹی کے ملازمین کے درمیان تنخواہوں کے معاملے پر تنازع شدت اختیار کر گیا ہے۔ انتخابی مہم کے دوران دیپسیتا دھر نے دعویٰ کیا کہ نیو بیرک پور میونسپلٹی کے عارضی ملازمین کو وقت پر تنخواہ نہیں ملتی۔ انہوں نے وعدہ کیا کہ اگر بائیں بازو کی حکومت آتی ہے تو ان ملازمین کو مستقل کیا جائے گا اور تنخواہوں کی بروقت ادائیگی یقینی بنائی جائے گی۔ دیپسیتا کے اس بیان کو "بے بنیاد" اور "گمراہ کن" قرار دیتے ہوئے میونسپلٹی کے سینکڑوں مستقل اور عارضی ملازمین نے ہفتے کے روز احتجاجی مارچ نکالا۔مظاہرین نے سڑکوں پر دیپسیتا کی تصویروں پر ’جھوٹی‘ لکھ کر اپنا غصہ ظاہر کیا۔میونسپلٹی کے اکاونٹنٹ شبھدیپ داس نے سرکاری ڈیٹا اور ٹریڑری سلپس دکھاتے ہوئے کہا کہ تنخواہیں ہر ماہ باقاعدگی سے دی جاتی ہیں۔ انہوں نے اسے ایک "سیاسی جھوٹ" قرار دیا۔ اس احتجاج کے جواب میں دیپسیتا دھر نے سوال اٹھایا کہ اس احتجاجی ریلی میں کتنے لوگ واقعی ’عارضی ملازمین‘ تھے؟ ان کا اشارہ تھا کہ یہ احتجاج سیاسی طور پر منظم کیا گیا تھا۔

Source: PC-sangbadpratidin