مودی کے دورے کے لئے شہر کی راستوں پر گاڑیوںکو کنٹرول کیا جا رہا ہے

وزیر اعظم نریندر مودی کے دورہ کولکتہ کے پیش نظر شہر کی سڑکوں پر مسلسل دو دن ٹریفک کنٹرول کیا جائے گا۔ یہ پابندیاں جمعرات کی سہ پہر سے جمعہ کی سہ پہر تک نافذ رہیں گی۔ کولکتہ کے پولیس کمشنر اجے نند نے اس سلسلے میں ایک نوٹیفیکیشن جاری کیا ہے۔ نوٹیفیکیشن میں بتایا گیا ہے کہ وزیر اعظم کے دورے کے دوران ان کے روٹ پر ٹرام سمیت ہر قسم کی گاڑیوں کی نقل و حرکت اور پارکنگ کو ضرورت کے مطابق کنٹرول یا بند کیا جا سکتا ہے۔ ساتھ ہی یہ بھی بتایا گیا ہے کہ جمعرات کی سہ پہر 4 بجے سے جمعہ کی سہ پہر 4:30 بجے تک راج بھون (لوک بھون) کے گرد و نواح میں کسی بھی بھاری مال بردار گاڑی کو داخل ہونے کی اجازت نہیں دی جائے گی۔ جمعرات کی سہ پہر 4 بجے سے جمعہ کی صبح 11 بجے تک گورنمنٹ پلیس ایسٹ اور ایسپلانیڈ روڈ ایسٹ کے جنکشن سے اولڈ کورٹ ہاوس اسٹریٹ اور بی بی ڈی باغ ساوتھ کے جنکشن تک سڑک مکمل طور پر بند رہے گی۔ اس کے علاوہ کولکتہ کی مختلف سڑکوں پر دونوں دن مقررہ وقت کے لیے ہر قسم کی مال بردار گاڑیوں کی آمد و رفت بند رہے گی۔ جمعرات کی سہ پہر 4 بجے سے رات 8 بجے تک مال بردار گاڑیوں کو کنٹرول کیا جائے گا۔ اس دوران ہاوڑہ پل، برابورن روڈ فلائی اوور، برابورن روڈ، بی بی ڈی باغ ایسٹ، اولڈ کورٹ ہاوس اسٹریٹ، گورنمنٹ پلیس ایسٹ، ودیا ساگر سیتو (دوسرا ہاوڑہ برج)، کے پی ریمپ، کے پی روڈ، ریڈ روڈ، نیتا جی مجسمہ، آر آر ایونیو، اور راج بھون کے ملحقہ علاقوں میں مال بردار گاڑیوں کے داخلے پر پابندی ہوگی۔

Source: PC-anandabazar