مودی کو دھوکہ باز کہنے والے دیپانجن بی جے پی میں شامل

کولکاتا26مارچ :خود ساختہ بائیں بازو کے نظریات کے حامل! مودی کو ’دھوکہ باز‘ کہہ کر حملہ کرنے والے سابق این ایس جی کمانڈو دیپانجن آخر کس لالچ میں بی جے پی میں شامل ہوئے؟ انتخابی بازار میں سب کچھ بکتا ہے۔ نہ صرف ضمیر، بلکہ اگر سودا اچھا ہو تو اصول، نظریات اور اقدار بھی کلو کے حساب سے بک جاتے ہیں! وہ شخص جو دو چار سال پہلے بی جے پی اور نریندر مودی کو شجرِ ممنوعہ سمجھتا تھا، اب اسی پارٹی کا جھنڈا تھامے انتخابی مہم میں اترا ہوا ہے۔ سابق این ایس جی کمانڈو دیپانجن چکرورتی اتر پاڑہ سے بی جے پی کے ٹکٹ پر امیدوار بنے ہیں۔ یہیں سے یہ سوال اٹھ رہا ہے کہ یہ کایا پلٹ کیوں؟ کس لالچ میں؟ ووٹوں کی منڈی میں کس موہ میں آکر سابق کمانڈو نے اپنے ’اصولوں‘ کی قربانی دے دی؟ ماضی میں دیپانجن نے سوشل میڈیا پر مودی حکومت پر حملہ کرتے ہوئے کئی پوسٹس کی تھیں۔ انہوں نے براہِ راست مودی کو ’دھوکہ باز‘ کہہ کر بھی نشانہ بنایا تھا۔ اصولی طور پر دیپانجن بی جے پی کے مخالف کے طور پر جانے جاتے تھے۔ ایک وقت تھا جب انہوں نے سوشل میڈیا پر نام نہاد انقلابیوں کو متحد ہونے کا پیغام دیا تھا۔ لیکن اچانک کس لالچ یا خوف کی وجہ سے انہوں نے زعفرانی خیمے میں شمولیت اختیار کی، اس پر سوالات اٹھنے لگے ہیں۔ ان کی اس اچانک تبدیلیِ وفاداری کی وجہ سے سیاسی حلقوں میں بحث چھڑ گئی ہے۔

Source: PC- sangbadpratidin