ممتا کو کلکتہ کا مئیر نامزد کرنے کیلئے سادہ کاغذ پر دستخط کرنے سے بیشتر کونسلروں کا انکار

ریاستی سیاست ترنمول کانگریس کے ایم ایل ایز کے دستخطی جعلسازی کے اسکینڈل سے زوروں پر ہے۔ اس بار اس کا سایہ ترنمول میونسپل پارٹی پر پڑی ہے۔ ترنمول بھون میں پارٹی کے کونسلروں کی میٹنگ ختم ہونے کے بعد ترنمول نے میونسپل کارپوریشن میں بھی پارٹی کو برقرار رکھنے کی بھرپور کوشش کی ہے۔ ایک ذرائع کے مطابق، اتوار کو شمالی اور جنوبی کلکتہ میں دو خفیہ میٹنگوں میں، میئر کے عہدے کے لیے ممتا کی پسند کے کسی بھی شخص کی حمایت کے لیے خالی کاغذ پر دستخط مانگے گئے۔ اس کا متن کچھ یوں تھا کہ’ ممتا بنرجی جس کو میئر منتخب کریں گی میں اس کی حمایت کروں گا۔" یہ عہدہ فرہاد حکیم کے میئر کے عہدے سے مستعفی ہونے کے بعد خالی ہوگیا ہے۔ ذرائع کے مطابق، ترنمول لیڈر ممتا بنرجی اگلے چھ مہینوں کے لیے میونسپل کارپوریشن چلانے کے لیے کسی نئے چہرے کو لانے کی کوشش کر رہی ہیں۔ ڈپٹی میئر اتن گھوش اور سابق میئر شوبھن چٹوپادھیائے کے نام چرچہ میں ہیں۔ لیکن آج دستخط کے لیے دیے گئے سادہ کاغذ پر کسی کا نام نہیں تھا۔ اس صورتحال میں بتایا جا رہا ہے کہ شمالی اور جنوبی کلکتہ سے ملا کر ممتا کی حمایت میں دستخطوں کی نصف تعداد بھی موصول نہیں ہوئی ہے۔

Source: social media