مغربی بنگال میں افطار پارٹی میں شرکت کرنے سات فوجی جوانوں کے خلاف الیکشن کمیشن کی سخت کارروائی

کولکاتہ، 25 مارچ:) الیکشن کمیشن نے مغربی بنگال اسمبلی انتخابات سے قبل افطار پارٹی میں شرکت کرنے کے الزام میں مرشد آباد میں تعینات سات فوجی جوانون کے خلاف سخت کارروائی کی ہے ۔ شکایت پر کارروائی کرتے ہوئے کمیشن نے اہلکاروں کے خلاف سخت کارروائی کی ہے ۔ ذرائع کے مطابق سات میں سے تین فوجیوں کو سات دن کے لیے نیم فوجی تحویل میں بھیج دیا گیا ہے ، جب کہ دو کو وارننگ جاری کی گئی ہے ۔ باقی دو کے خلاف تحقیقات شروع کر دی گئی ہیں۔ مزید برآں، تمام سات اہلکاروں کو ریاست سے باہر منتقل کر دیا گیا ہے ۔ یہ کارروائی ان الزامات کے بعد سامنے آئی ہے کہ فوجیوں نے کمیشن کی واضح ہدایات کے باوجود افطار کے اجتماع میں شرکت کی تھی۔ مرکزی فورسز کو انتخابی ڈیوٹی کے دوران دعوت نامے قبول کرنے یا نجی رہائش گاہوں پر جانے سے منع کیا گیا تھا۔ کمیشن نے غیر جانبداری پر زور دیتے ہوئے اور اہلکاروں کو کسی بھی سماجی یا نجی تقریبات میں شرکت کرنے سے منع کرتے ہوئے ہدایات جاری کی تھیں۔ انتخابی تیاریوں کے تحت مرشدآباد سمیت ریاست کے مختلف حصوں میں مرکزی فورسز کو پہلے ہی تعینات کر دیا گیا ہے ۔ کمیشن کا یہ اقدام اس بات کو یقینی بنانے کے لیے ہے کہ تمام تعینات اہلکار انتخابات سے قبل غیر جانبداری کو برقرار رکھیں۔ یہ کارروائی بانکوڑہ کے ایک واقعے کے فوراً بعد سامنے آئی ہے ، جہاں سوشل میڈیا پر ویڈیو منظر عام پر آئی ہے جس میں مبینہ طور پر سینٹرل فورس کے اہلکار کو بی جے پی کے ایک امیدوار کی مہم کے دوران بھارتیہ جنتا پارٹی (بی جے پی) کے انتخابی نشان کا کٹ آ¶ٹ اٹھاتے ہوئے دکھایا گیا ہے ۔ واضح رہے کہ مغربی بنگال اسمبلی کی 294 سیٹوں کے لیے انتخابات دو مرحلوں میں 23 اور 29 اپریل کو ہوں گے ، ووٹوں کی گنتی 4 مئی کو ہوگی۔

Source: uni news