ہمایوں کبیر نے شکتی پور تھانہ کے اوسی کو نیا باپ کہہ کر طعنہ دیا

ہمایوں کبیر نے شکتی پور تھانہ کے اوسی کو نیا باپ کہہ کر طعنہ دیا مر شد آباد کے نودا کے ایم ایل اے اور عوام جانتا ترقی پارٹی (AJUP) کے سربراہ ہمایون کبیر کو 'سیٹا' (اشتعال انگیز) تبصروں پر شکتی پور تھانے میں پیش ہونے کا نوٹس دیا گیا تھا۔ لیکن جمعہ (3 جولائی) کو مقررہ تاریخ پر وہ تھانے نہیں گئے۔ بلکہ گھر پر پریس کانفرنس بلا کر شکتی پور تھانے کے او سی (انسپکٹر) کو 'نیا باپ' کہہ کر طعنہ اور دھمکی دی۔ انہوں نے الزام لگایا کہ 30 جون سے او سی ان کے پارٹی کارکنوں کے گھروں جا کر دھمکیاں دے رہے ہیں اور خود کو 'ہمایون کبیر کا باپ' قرار دے رہے ہیں۔ اس پر انہوں نے کہا: "میرے والد کا انتقال 2007 میں ہو گیا تھا۔ اب نیا باپ بن گیا ہے۔ وقت نکال کر نئے باپ سے ملنے جاوں گا۔ انہوں نے بتایا کہ وہ ضلع پولیس سپرنٹنڈنٹ کو خط لکھ کر مطلع کریں گے اور پھر اپنے ساتھیوں سمیت او سی سے ملنے جائیں گے۔ اس کے علاوہ انہوں نے دھمکی دی کہ وہ انتظامیہ کو دکھا دیں گے کہ ان کی کال پر پورے ضلع سے کتنے لوگ جمع ہو سکتے ہیں۔ کچھ دن قبل رے گنج اور شکتی پور میں سیاسی جلسوں میں اشتعال انگیز تبصروں کا الزام ان پر لگا۔ اس معاملے پر رے گنج اور شکتی پور دونوں تھانوں میں ایف آئی آر درج کی گئی۔ اسمبلی میں معاملہ اٹھنے پر وزیر اعلیٰ شوبھندو ادھیکاری نے ہمایون کبیر کو 'محتاط' رہنے کی تنبیہ کی۔جمعہ کو شکتی پور تھانے میں پیشی سے گریز کرنے کے باوجود انہیں اتوار (5 جولائی) کو رے گنج تھانے میں پیش ہونے کا نوٹس دیا گیا ہے۔ہمایون کبیر کے اس بیان اور پیشی سے گریز کے معاملے پر پولیس کی طرف سے ابھی تک کوئی سرکاری ردعمل سامنے نہیں آیا۔

Source: Social Media