میپنگ میں 'فرضی' رکن کا اضافہ، سماعت کے لیے بلائے جانے پر نائمہ نے سیما کھنہ کو میسج کر کے حیرت کا اظہار کیا

کولکاتا14جنوری :ایس آئی آر کے عمل کے دوران خاندان میں ایک فرضی رکن کا اضافہ کر دیا گیا! پانچ بہن بھائی ہونے کے باوجود، ووٹرز کے والد کا نام استعمال کرتے ہوئے 6 افراد کے نام پر میپنگ کی گئی ہے۔ الیکشن کمیشن کا ڈیٹا یہی بتا رہا ہے۔ اسی وجہ سے کمیشن نے مرشد آباد کی نائمہ کو سماعت کا نوٹس تھما دیا ہے۔ نائمہ نے کمیشن کے آئی ٹی سیل کی ڈی آئی جی سیما کھنہ کو پیغام بھیج کر سوال اٹھایا ہے کہ یہ غلطی کس کی ہے؟ خاندان کی یا الیکشن کمیشن کی؟ انہوں نے چیلنج کرتے ہوئے کہا ہے کہ اگر ضرورت ہو تو کمیشن ان کے خاندان کی تمام دستاویزات کی جانچ کر لے۔ اس معاملے کو اٹھاتے ہوئے ترنمول نے ایک بار پھر کمیشن کو نشانہ بنایا ہے۔ واضح رہے کہ اسی سیما کھنہ کے خلاف سب سے پہلے ترنمول کے رکن پارلیمنٹ ابھیشیک بنرجی نے الزامات لگائے تھے۔ نائمہ خاتون، مرشد آباد کی رہائشی ہیں۔ وہ کل پانچ بہن بھائی ہیں! اینومریشن فارم بھرتے وقت نائمہ سمیت پانچوں بہن بھائیوں نے اپنے والد کا نام دے کر میپنگ کروائی تھی۔ نائمہ کا الزام ہے کہ دوسرے مرحلے کی سماعت میں کمیشن نے انہیں نوٹس دے کر بتایا کہ ان کے والد کے ساتھ 6 افراد کی میپنگ کی گئی ہے، اس لیے انہیں سماعت کے مرکز پر حاضر ہونا پڑے گا۔ جبکہ حقیقت میں وہ صرف 5 بہن بھائی ہیں!

Source: PC-sangbadpratidin