ممتا بنرجی کے پاس کاغذات نامزدگی داخل کرتے وقت 75ہزار روپئے تھے

وزیر اعلیٰ ممتا بنرجی نے بھوانی پور حلقہ سے اپنے کاغذاتِ نامزدگی داخل کر دیے ہیں۔ ان کے مالیاتی حلف نامے کے مطابق، ان کی طرزِ زندگی کی طرح ان کے اثاثے بھی انتہائی سادہ ہیں۔کاغذاتِ نامزدگی جمع کرواتے وقت ان کے پاس 75,700 روپے نقد تھے۔انڈین بینک کے ذاتی اکاونٹ میں 12,36,209 روپے موجود ہیں۔ انتخابی اخراجات کے لیے مختص دوسرے بینک اکاونٹ میں 40,000 روپے ہیں۔تقریباً 12,76,209 روپے۔ ان کے پاس 9 گرام 750 ملی گرام سونا ہے، جس کی موجودہ مارکیٹ قیمت تقریباً 1,45,000 روپے بتائی گئی ہے۔ مالی سال 2025-26 میں انہیں 40,600 روپے بطور ٹی ڈی ایس ریفنڈ حاصل ہوئے ہیں۔ن کے کل منقولہ اثاثوں کی مالیت 15,37,509 روپے ہے۔ممتا بنرجی کے نام پر کوئی ذاتی گاڑی نہیں ہے۔ ان کے نام پر کوئی زرعی یا غیر زرعی زمین نہیں ہے، اور نہ ہی کوئی رہائشی مکان ان کی ملکیت میں ہے۔ وہ اب بھی اپنے آبائی ٹائلوں والی چھت کے گھر میں رہتی ہیں۔ن پر کسی قسم کا کوئی بینک لون یا مالی واجبات نہیں ہیں۔انہوں نے 1977 میں کلکتہ یونیورسٹی سے ایم اے کیا اور 1982 میں جوگیش چندر چودھری کالج سے قانون کی ڈگری حاصل کی۔ ان کے خلاف کوئی فوجداری مقدمہ درج نہیں ہے اور نہ ہی انہیں کبھی کسی معاملے میں سزا سنائی گئی ہے۔پندرہ سال تک وزیر اعلیٰ رہنے کے باوجود، ممتا بنرجی کے اثاثوں کی یہ تفصیلات ان کی سادہ عوامی زندگی کی عکاسی کرتی ہیں۔

Source: PC-sangbadpratidin