ممتا بنرجی کے گھر سے ممتاان کے خاص سیکیورٹی گارڈکو نکال دیا گیا!

بدھ کی شام کے بعد جمعرات کی صبح بھی۔ مزید 6 پی ایس او درجے کے افسران کو لال بازار نے ممتا بنرجی کے گھر بھیجا۔ انہیں اندر جانے کی اجازت نہیں دی گئی۔ ممتا بنرجی کے گھر کی تمام تر سیکیورٹی کی ذمہ داری فی الحال پارٹی کے ہی کئی نوجوان سنبھال رہے ہیں، جو پارٹی کے انتہائی وفادار اور معتمد ہیں۔ ان کے ساتھ ایک دو پولیس اہلکار بھی ہیں۔ صبح سے ممتا بنرجی کے گھر کے سامنے کا منظر مختلف ہے۔ صرف پی ایس او درجے کے چند پولیس افسران صبح سے ہریش چٹرجی سٹریٹ والے گھر کے باہر کھڑے ہیں۔ ان میں سے ایک کو اندر جا کر بات کرنے کی اجازت دی گئی، لیکن 10 منٹ میں انہیں بھی باہر نکال دیا گیا۔ بتا دیا گیا، "میڈم نے آپ کو اندر آنے کی اجازت نہیں دی ہے۔ میڈم کا فیصلہ ہے کہ وہ پی ایس او نہیں لیں گی۔ جب تک میڈم فیصلہ تبدیل نہیں کرتیں، ہمارے لیے آپ کو اندر جانے کی اجازت دینا ممکن نہیں ہے۔ سابق وزیراعلیٰ کی طرف سے بتا دیا گیا ہے کہ انہیں کوئی پی ایس او نہیں چاہیے۔ باہر کولکاتہ پولیس کی اسپیشل فورس کے جوان بار بار گشت کر رہے ہیں۔ لیکن اندر کسی کو اجازت نہیں دی گئی۔ ممتا بنرجی کے کل پانچ پی ایس او تھے۔ جن میں سے تین سب سے زیادہ قابل اعتماد اور معتمد تھے۔ انہیں اپنی پرانی یونٹ میں واپس جانے کا حکم دیے جانے پر سابق وزیراعلیٰ ناراض ہیں۔ممتا بنرجی کی سیکیورٹی واپس لیے جانے کے بعد کنال خود سے وزیراعلیٰ کے سامنے یہ معاملہ اٹھایا۔ جمعرات کو ہی اسمبلی میں وزیراعلیٰ سے ممتا حامی پانچ ارکان اسمبلی نے ملاقات کی۔ کنال نے ثالثی کی۔ انہوں نے درخواست کی کہ ممتا بنرجی کے پرانے پی ایس او کو واپس لایا جائے۔ کنال کی درخواست تھی کہ پولیس انتظامیہ جو بھی کرے، وزیراعلیٰ شائستگی کے ساتھ اس معاملے کا ازسرنو جائزہ لیں۔مثبت جواب ملا۔واضح رہے کہ سابق وزیراعلیٰ ممتا بنرجی کے دیرینہ ذاتی سیکیورٹی گارڈز کو ہٹانے اور ان کے کلی گھاٹ والے گھر کے سامنے سے پولیس کی حفاظتی چوکی ہٹانے کا الزام ترنمول کانگریس نے لگایا ہے۔ پارٹی کے رکن پارلیمنٹ ڈیریک او برائن نے اس اقدام کو 'سیاسی انتقام' قرار دیا ہے۔ دوسری طرف، ریاستی حکومت کی طرف سے اس الزام کو یکسر مسترد کرتے ہوئے کہا گیا ہے کہ زیڈ پلس سیکیورٹی برقرار ہے اور معمول کی انتظامی تبدیلی کے حصے کے طور پر نئے سیکیورٹی اہلکار بھیجے گئے تھے۔ لیکن ممتا بنرجی نے ان نئے محافظوں کو قبول کرنے سے انکار کر دیا۔

Source: PC-tv9bangla