میں سب جانتی ہوں کہ بوس کو کیوں ہٹایا گیا'، دھرنا منچ سے اشاروں ہی اشاروں میں تبصرہ

کولکتہ: "سی وی آنند بوس کو کیوں ہٹایا گیا ہے، میں سب جانتی ہوں۔" میٹرو چینل کے دھرنا منچ سے گورنر کی تبدیلی پر ایک بار پھر مرکز کو آڑے ہاتھوں لیتے ہوئے وزیر اعلیٰ ممتا بنرجی نے نئے گورنر پر بھی حملہ بولا۔ انہوں نے سخت لہجے میں واضح کیا کہ "تمل ناڈو میں جو کیا سو کیا، بنگال الگ ہے۔" ان کے اشاروں بھرے تبصروں سے سیاسی حلقوں میں نئی بحث چھڑ گئی ہے۔ گورنر کی تبدیلی پر مرکز کے خلاف برستے ہوئے انہوں نے دھنکھڑ دور کی یاد دلائی اور محمد بن تغلق کا حوالہ بھی دیا۔ شدید غصے کا اظہار کرتے ہوئے انہوں نے کہا:کسی کو بھی اپنی مدت پوری کرنے نہیں دی جا رہی۔ دھنکھڑ کو یہاں سے لے جا کر نائب صدر بنا دیا گیا۔ پھر نظر بند۔ اجیت پوار کے کیس میں میں نے کہا تھا کہ اچھی طرح جانچ ہونی چاہیے۔ دہلی میں جو لوگ بیٹھے ہیں، وہ تو محمد بن تغلق کے بھی دادا لگتے ہیں۔" اس کے بعد نئے گورنر کے بارے میں بات کرتے ہوئے انہوں نے کہا: "سی وی آنند بوس کو کیوں ہٹایا گیا، میں سب جانتی ہوں۔ لیکن کہوں گی نہیں۔ ڈرایا گیا ہے، دھمکایا گیا ہے۔ میں تھوڑا سا کہہ سکتی ہوں۔ بہت سے لوگ نہیں چاہتے کہ راج بھون بی جے پی کا پارٹی آفس بن جائے اور وہاں سے پیسے بانٹے جائیں۔ اور جنہیں لایا گیا ہے، ان کے بارے میں میں نے سنا ہے کہ جب وہ تمل ناڈو میں تھے تو سپریم کورٹ نے ان کے خلاف کئی تبصرے کیے تھے۔ وہ بی جے پی کے علاوہ کوئی کام نہیں کرتے۔ وہ بی جے پی کے کیڈر ہیں۔ تمل ناڈو میں جو کیا سو کیا، بنگال الگ ہے۔"

Source: PC- tv9bangla