‘کیوں استعفیٰ دوں؟ ہم ہارے نہیں ہیں، استعفیٰ کا سوال کہاں سے پیدا ہوتا ہے؟ ممتا بنرجی

‘کیوں استعفیٰ دوں؟ ہم ہارے نہیں ہیں، استعفیٰ کا سوال کہاں سے پیدا ہوتا ہے؟’ کالی گھاٹ سے پریس کانفرنس میں ممتا بنرجی کا سخت رخ، ابھیشیک بنرجی بھی ساتھ رہے۔ ریاستی اسمبلی انتخابات کے نتائج کے بعد ممتا بنرجی نے واضح کر دیا ہے کہ وہ ابھی استعفیٰ نہیں دیں گی۔ کالی گھاٹ میں اپنی رہائش گاہ پر منعقدہ پریس کانفرنس میں انہوں نے انتخابی عمل اور بی جے پی پر سنگین الزامات لگائے۔بنرجی نے کہا، "میں کیوں استعفیٰ دوں؟ ہم ہارے نہیں ہیں۔ ووٹ زبردستی لوٹا گیا ہے۔ جب ہم جیتے ہی نہیں (ان کے بقول دھاندلی ہوئی)، تو استعفیٰ کی بات کہاں سے آتی ہے؟" انہوں نے کمیشن کو 'ولن' قرار دیتے ہوئے کہا، "الیکشن کمیشن نے یہاں ایک سیاہ تاریخ رقم کی ہے۔ بی جے پی اور کمیشن کے درمیان 'بیٹنگ' (سانٹھ گانٹھ) ہوئی ہے۔ وزیر اعظم اور وزیر داخلہ اس میں براہ راست ملوث ہیں۔ممتا کا دعویٰ ہے کہ وہ 13 ہزار ووٹوں سے لیڈ کر رہی تھیں اور ان کی جیت کا مارجن 32 ہزار سے زائد ہونا چاہیے تھا، لیکن مرکزی افواج اور بی جے پی کارکنوں نے گنتی کے مراکز میں گھس کر توڑ پھوڑ کی اور نتائج پر اثر انداز ہوئے۔

Source: PC-sangbadpratidin