چناﺅ پرچار کےلئے مہاراشٹر کے وزیر اعلیٰ فرنویس کولکاتا آرہے ہیں

مہاراشٹر کے سابق وزیر اعلیٰ اور بی جے پی کے قدآور لیڈر دیویندر فڑنویس نے مغربی بنگال اسمبلی انتخابات کی مہم کے دوران ایک پریس کانفرنس میں ریاست کی معاشی صورتحال پر سنگین سوالات اٹھائے ہیں۔ نیو ٹاون کے ایک نجی ہوٹل میں صحافیوں سے گفتگو کرتے ہوئے فڑنویس نے دعویٰ کیا کہ گزشتہ برسوں میں بنگال سے تقریباً 1400 کمپنیاں ہجرت کر کے مہاراشٹر چلی گئی ہیں۔ ان میں کئی بڑی اور نامور کمپنیاں بھی شامل ہیں جنہوں نے بنگال کے بجائے اب مہاراشٹر میں اپنا کاروبار پھیلا لیا ہے۔ انہوں نے الزام لگایا کہ قومی معیشت میں بنگال کا حصہ مسلسل کم ہو رہا ہے۔ انہوں نے ریاستی حکومت کو چیلنج کیا کہ وہ ان نئی کمپنیوں کے اعداد و شمار جاری کرے جنہوں نے بنگال میں رجسٹریشن تو کرائی ہے لیکن ابھی تک کام شروع نہیں کیا۔ فڑنویس نے وعدہ کیا کہ اگر بنگال میں بی جے پی کی حکومت بنتی ہے توبنگال کو دوبارہ ملک کی بہترین 5 ریاستوں کی فہرست میں شامل کیا جائے گا۔بی جے پی کے 'سنکلپ پتر' (منشور) کے مطابق 1 کروڑ نوجوانوں کو روزگار فراہم کیا جائے گا۔

Source: PC-sangbadpratidin