قصبہ اجتماعی زیادتی کیس پر نڈا کو رپورٹ پیش کرے گی بی جے پی کولکتہ28جون : بی جے پی نے قصبہ لا کالج گینگ ریپ معاملے میں تحقیقاتی کمیٹی تشکیل دی ہے۔ اہم اپوزیشن پارٹی بی جے پی جمعہ سے مرحلہ وار احتجاج کر رہی ہے۔ بنگال بی جے پی کے لیڈروں نے سوال اٹھایا ہے کہ کس طرح ایک طالب علم کو کالج کے احاطے میں گارڈ روم میں گھسیٹ کر لے جایا گیا اور عصمت دری کی گئی۔ اس دوران ایک تحقیقاتی کمیٹی تشکیل دی گئی ہے۔ معلوم ہوا ہے کہ بی جے پی کی تشکیل کردہ کمیٹی پارٹی کے آل انڈیا صدر جے پی نڈا کو رپورٹ پیش کرے گی۔ کمیٹی کے ارکان میں سابق مرکزی وزیر اور سابق پولس افسر ستپال سنگھ، سابق مرکزی وزیر میناکشی لیکھی، لوک سبھا ممبر پارلیمنٹ بپلاب کمار دیب اور راجیہ سبھا ممبر پارلیمنٹ منن کمار مشرا شامل ہیں۔ کمیٹی جلد ہی جائے وقوعہ کا دورہ کرے گی اور اپنی تحقیقاتی رپورٹ آل انڈیا صدر جے پی نڈا کو پیش کرے گی۔مبینہ طور پر قصبہ کالج کی فرسٹ ایئر کی طالبہ کے ساتھ کالج کی عمارت کے اندر اجتماعی عصمت دری کی گئی۔ مرکزی ملزم کالج کا سابق طالب علم اور ترنمول چھاترا پریشد کا لیڈر ہے۔ وہ کالج کا عارضی ملازم بھی ہے۔ 25 جون کو ملزم نے لڑکی کو شادی کی پیشکش کی۔ جب اس نے انکار کیا تو ملزم نے نوجوان کی عصمت دری کی۔ اس گھناونے جرم میں اس کی مدد کالج کے دو طلبہ نے کی۔ پولیس نے تینوں کو گرفتار کر لیا ہے۔

Source: Social Media