بالی ووڈ اداکار گووندا اور ان کے بھانجے کرشنا ابھیشیک میں سرد مہری 7 سال بعد ختم ہوگئی، دونوں کے درمیان بلآخر صلح ہوگئی۔ واضح رہے کہ حال ہی میں سپر اسٹار گووندا گھر میں ریوالور چلنے سے زخمی ہوگئے تھے۔ بھارت واپس آنے کے بعد کرشنا نے اپنے ماموں کی خیریت معلوم کرنے کےلیے ان سے ملاقات کی۔ ای ٹائمز کے ساتھ ایک انٹرویو میں کرشنا نے تصدیق کی کہ ’آخرکار ہم نے تمام گلے شکوے دور کرلیے ہیں اور آگے بڑھ گئے ہیں۔‘ گووندا کے زخمی ہونے کے بعد کرشنا کی بیوی کشمیرا شاہ نے اسپتال میں گووندا کی عیادت کی تھی جبکہ کرشنا آسٹریلیا کے دورے پر ہونے کی وجہ سے ملاقات نہ کر سکے تھے۔ کرشنا بھارت واپسی کے بعد اپنے ماموں کے گھر گئے تھے، انہوں نے کہا تھا کہ ان کے لیے یہ ملاقات جذباتی لمحہ تھی۔ دوسری جانب کرشنا نے بتایا کہ گووندا کی بیٹی ٹینا آہوجا سے ملاقات ان کےلیے جذباتی تھی اور انہوں نے گلے لگا کر اپنی خوشی کا اظہار کیا۔ ملاقات کے بارے میں بات کرتے ہوئے انہوں نے کہا، ’ہم نے ہنسی مذاق کیا اور پرانی یادیں تازہ کیں۔ ایسا لگا جیسے پہلے کی طرح سب کچھ ٹھیک ہوگیا ہو۔‘ انہوں نے کہا کہ ’ان تمام برسوں کی یادیں جو میں نے ماموں اور مامی کے ساتھ گزارے تھے، میرے ذہن میں آ گئیں۔ میں نے ماموں سے کہا کہ ہال تو بالکل بدل گیا ہے، اب سب مسائل حل ہو چکے ہیں اور تمام گلے شکوے ختم ہو گئے ہیں۔‘ کرشنا نے مزید کہا کہ ’اب میں مسلسل ماموں سے ملنے آؤں گا اور مامی سے بھی ملاقات کروں گا۔‘
Source: Social Media
سلمان خان کا کرکٹ اسٹیڈیم میں والدہ سے محبت کا اظہار
سوشل میڈیا اسٹار عبدوروزق کو گرفتاری کے بعد رہائی مل گئی
پاکستانی اداکارہ حمیرا اصغر لاہور میں سپردِ خاک
فلم کا خطرناک سین حقیقی سانحے میں تبدیل، اسٹنٹ مین موہن راج زندگی کی بازی ہار گیا
اداکار کوٹا سرینواس راؤ چل بسے
سیف علی خان کے بعد کرینہ کپور پر بھی حملہ کیا گیا تھا؟
