جانوروں کا سرعام ذبح کرنا ممنوع ہے! ہائی کورٹ نے ریاستی حکومت کے نوٹیفکیشن کو برقرار رکھا، سرٹیفیکیشن سسٹم پر نظرثانی کا حکم

کلکتہ ہائی کورٹ نے جمعرات کو ہدایت دی کہ ریاست کی بی جے پی حکومت کی طرف سے عید الضحیٰ کے پیش نظر 13 مئی کو جانوروں کے ذبیحہ سے متعلق جاری کردہ نوٹیفکیشن نافذ رہے گا۔ یعنی بغیر سرٹیفکٹ جانوروں کو ذبح نہیں کیا جا سکتا ، یہ سند میں واضح ہونا چاہےے کہ جانور ذبیحہ کے شرائط کو پورا کرتا ہو۔ چیف جسٹس سوجوئے پال اور جسٹس پارتھا سارتھی سین کی بنچ نے کہا کہ جانوروں کو سرعام ذبح کرنا ممنوع ہے - اس شرط کو بھی نوٹیفکیشن میں شامل کیا جانا چاہیے۔ ریاست کو گائے کی قربانی سے متعلق مشاہدے کو نافذ کرنا ہوگا جس کا نوٹیفکیشن میں پچھلے فیصلے میں ذکر کیا گیا ہے۔ سیکشن 12 کے مطابق ریاست کو استثنیٰ کی درخواست کو 24 گھنٹے کے اندر نمٹانا ہوتا ہے۔ ریاست سے کہا گیا ہے کہ وہ سرٹیفیکیشن سسٹم اور انفراسٹرکچر کا جائزہ لے۔ قانون کی آئینی حیثیت سے متعلق کیس جاری رہے گا تاہم فی الحال کوئی حکم امتناعی نہیں دیا گیا۔ ہائی کورٹ نے بہار ریاستی حکومت بمقابلہ محمد حنیف قریشی کے معاملے میں سپریم کورٹ کے آبزرویشن کی یاد دلائی۔ سپریم کورٹ نے کہا تھا کہ گائے کا ذبیحہ عید الاضحی کا حصہ نہیں ہے اور نہ ہی یہ اسلام میں کوئی مذہبی ضرورت ہے۔ ہائی کورٹ کے چیف جسٹس سوجوئے پال کی ڈویژن بنچ نے ریاست کو حکم دیا کہ وہ اس ایکٹ کی دفعہ 12 میں مذہبی تقاریب میں جانوروں کی قربانی میں نرمی کے بارے میں فیصلہ کرے۔ عدالت کے حکم کے 24 گھنٹے کے اندر ریاست کو اس معاملے پر فیصلہ لینا ہوگا۔ آج، اس معاملے میں، کیس کے ایک فریق نے جانوروں کے ذبیحہ کنٹرول ایکٹ کی کئی دفعہ اور ذیلی دفعہ کو غیر آئینی قرار دیتے ہوئے اسے خارج کرنے کی درخواست دائر کی ہے۔ ڈویژن بنچ نے کہا کہ عدالت آج اس پر کوئی فیصلہ نہیں لے رہی ہے۔

Source: Social Media