کلکتہ سمیت جنوبی بنگال میں شدید طوفان و بارش، شدید گرمی سے لوگوںکو راحت ملی

کیرل میں مون سون داخل ہو چکا ہے۔ جمعہ کی صبح قبل مون سون بارش کا مزہ چکھا ہے بنگال نے۔ محکمہ موسمیات کی پیشن گوئی کے مطابق، ہفتہ کو بھی دوپہر کے وقت کلکتہ سمیت جنوبی بنگال میں شدید طوفان و بارش ہو سکتی ہے۔ اس سے شدید گرمی سے کچھ نجات ملے گی یا نہیں، یہی اب لاکھ روپے کا سوال ہے۔ علی پور محکمہ موسمیات کی پیشن گوئی کے مطابق، اترپردیش میں ایک چکر موجود ہے۔ بنگلہ دیش اور ملحقہ شمالی بنگال کا چکر رفتہ رفتہ اپنی طاقت کھو رہا ہے۔ کیرل کو عبور کر کے جنوب مغربی مون سونی ہوائیں کرناٹک اور آندھرا پردیش کے کچھ حصوں تک پہنچیں گی۔ دو دنوں میں شمال مشرقی ہند کی ریاستوں میں بھی داخل ہو جائیں گی مون سونی ہوائیں۔ اس کے نتیجے میں ہندوستان کے مرکزی حصے میں برسات کا آغاز ہو جائے گا۔ دوسری طرف، بنگال میں بھی قبل مون سون بارش شروع ہو گئی ہے۔ اس کے نتیجے میں ہفتہ کی دوپہر کو بھی کلکتہ سمیت جنوبی بنگال میں طوفان و بارش کی پیشن گوئی ہے۔ بدھ سے طوفان و بارش کا امکان مزید بڑھ جائے گا۔ بیر بھوم، مرشد آباد، نادیہ، مشرقی و مغربی بردھمان میں بکھرے بکھرے طوفان و بارش کا امکان ہے۔ 30 سے 40 کلومیٹر فی گھنٹہ یا کہیں 40 سے 60 کلومیٹر فی گھنٹہ کی رفتار سے جھکڑ ہوائیں چل سکتی ہیں۔ شمالی بنگال میں بکھری بکھری شدید بارش کا امکان ہے۔ دارجلنگ، جلپائی گوڑی اور علی پور دوار اضلاع میں شدید بارش کا امکان زیادہ ہے۔ ان پانچوں اضلاع میں بکھری بکھری شدید بارش جاری رہے گی اگلے کئی دنوں تک۔ منگل سے طوفان و بارش کی مقدار بڑھ جائے گی شمالی بنگال میں۔ 30 سے 50 کلومیٹر فی گھنٹہ کی رفتار سے جھکڑ ہواوں کے ساتھ گرج چمک کے ساتھ بارش کی پیشن گوئی ہے۔ لیکن اس بارش سے درجہ حرارت میں کتنی کمی آئے گی، یہی اب لاکھ روپے کا سوال ہے۔ ہفتہ کو کلکتہ کا کم سے کم درجہ حرارت 29 ڈگری سیلسیس رہے گا۔ جمعہ کو دن کا زیادہ سے زیادہ درجہ حرارت 32.1 ڈگری تھا۔ ہوا میں پانی کے بخارات کی مقدار (نسبتاً نمی) 69 سے 98 فیصد ہے۔ تاہم درجہ حرارت مزید بڑھ سکتا ہے ایسا بھی اندازہ لگایا جا رہا ہے۔

Source: PC-sangbadpratidin