کولکاتا میں موسلا دھار بارش، کئی اضلاع کے متاثر ہونے کا امکان

کولکاتا میں موسلا دھار بارش، کئی اضلاع کے متاثر ہونے کا امکان گزشتہ ہفتے بھر مسلسل بارش سے کلکتہ کے کئی علاقوں میں پانی بھر گیا تھا۔ شہر کے مضافات کا بڑا حصہ بھی پانی میں ڈوب گیا تھا۔ اس ہفتے بھی کلکتہ بارش کا نیا رعب دیکھے گا۔ ایسی ہی پیش گوئی موسم محکمے کی ہے۔ خلیج بنگال سے بڑی مقدار میں آبی بخارات داخل ہو رہے ہیں۔ جس کے سبب اس ہفتے بھی شمالی اور جنوبی بنگال میں خطرناک موسم کا راج رہے گا۔ ہفتے کے آخر میں بارش بڑھ سکتی ہے۔ موسم کی یہ بے رخی کیوں؟ موسم محکمے کے ذرائع کے مطابق، شمالی بنگلہ دیش اور اس کے ملحقہ علاقوں میں ایک گھماو پھراو پیدا ہوا ہے، جس کی سطح سمندر سے بلندی تقریباً ۱.۵ کلومیٹر ہے۔ اس کے ساتھ ہریانہ، اتر پردیش، بہار سے ہوتی ہوئی ایک محور خط (ٹراف لائن) اب آسام کے جنوبی سرے تک پھیلی ہوئی ہے۔ شمال مشرقی بہار اور آس پاس کے علاقوں پر ایک گھماو پھراو ہے، جو سطح سمندر سے ۳.۱ کلومیٹر بلند ہے۔ کلکتہ میں پیر کو شدید بارش کی پیش گوئی ہے۔ منگل تک بھی بارش جاری رہے گی۔ ۳۰ سے ۴۰ کلومیٹر فی گھنٹہ کی رفتار سے آندھی چل سکتی ہے۔ اتوار کو کلکتہ کا کم سے کم درجہ حرارت ۲۸.۴ ڈگری سینٹی گریڈ تھا، جو معمول سے ۱.۵ ڈگری زیادہ ہے۔ پیر کو بھی درجہ حرارت اسی طرح رہے گا۔ آنے والے دنوں میں جنوبی بنگال میں کم و بیش بارش جاری رہے گی۔ مرشد آباد اور مشرقی بردھمان میں انتہائی شدید بارش کے لیے نارنجی (اورنج) انتباہ جاری کیا گیا ہے۔ شدید بارش کے لیے پیلا (یلو) انتباہ جنوبی کے ۷ اضلاع میں رہے گا۔ کلکتہ، شمالی اور جنوبی ۲۴ پرگنہ، ہاوڑہ، ہگلی، نادیہ اور بربھوم میں چھٹ پھٹ بارش ہو سکتی ہے۔ جنوبی بنگال کے باقی تمام اضلاع میں گرج چمک کے ساتھ ہلکی سے درمیانی بارش کی پیش گوئی ہے۔

Source: Social Media