کولکاتا میٹرو کی بلیو لائن ہر ٹرینوں کے درمیان فرق میں ڈھائی منٹ کی کمی

کولکاتا میٹرو کی بلیو لائن ہر ٹرینوں کے درمیان فرق میں ڈھائی منٹ کی کمی کولکتہ میٹرو کی بلیو لائن پر مصروف اوقات کے دوران دو ٹرینوں کے درمیان فرق کو کم کر کے ڈھائی منٹ کرنے کا منصوبہ ریل کی وزارت نے تیار کیا ہے۔ اس انتظام کو عملی جامہ پہنانے کے لیے کولکتہ میٹرو کے بنیادی ڈھانچے کی ازسرنو تعمیر کی جائے گی۔ کولکتہ میٹرو کی بلیو لائن یا شمال-جنوب راہداری (دکشنیشور سے شہید خودی رام) کی ساختی بہتری کے لیے 671.72 کروڑ روپے مختص کیے گئے ہیں۔ میٹرو کے بجلی کے نظام کو جدید بنانے کے ساتھ ساتھ سات نئے ٹریکشن سب اسٹیشن، آکسیلیری سب اسٹیشن اور بہت سی دوسری سہولیات تعمیر کی جائیں گی۔ وزارت ریلوے کی جانب سے بتایا گیا ہے کہ کولکتہ میٹرو لائن کی گنجائش میں اضافے اور بجلی کے نظام کی جدید کاری سمیت مجوزہ ساختی تبدیلیوں کے بعد ہی ڈھائی منٹ کے وقفے سے میٹرو چلانا ممکن ہو سکے گا۔ فی الحال مصروف اوقات میں دو میٹرو ٹرینوں کے درمیان پانچ منٹ کا فرق ہوتا ہے، جبکہ دن کے دیگر اوقات میں یہ وقفہ سات سے دس منٹ تک بھی پہنچ جاتا ہے۔ تاہم، بھارتی ریلوے نے فیصلہ کیا ہے کہ کولکتہ میں میٹرو سروسز کے درمیانی وقفے کو آدھا کر دیا جائے گا، یعنی ہر ڈھائی منٹ بعد میٹرو دستیاب ہوگی۔ بلیو لائن کے علاوہ شہر کے دیگر میٹرو روٹس پر بھی آنے والے دنوں میں دو ٹرینوں کے درمیان وقت کا فرق کم کیا جائے گا۔

Source: Social Media