کولکتہ کا مشہور 'کالج اسٹریٹ معاشی مندی اور بدلتے ہوئے تعلیمی نظام کی وجہ سے شدید مایوسی کا شکار

کولکتہ کا مشہور 'کالج اسٹریٹ' جو کبھی علم و ادب کا گہوارہ سمجھا جاتا تھا، آج کل معاشی مندی اور بدلتے ہوئے تعلیمی نظام کی وجہ سے شدید مایوسی کا شکار ہے۔کالج اسکوائر ہاکرز ایسوسی ایشن کے مطابق، اب زیادہ تر والدین بچوں کو انگریزی میڈیم اسکولوں میں پڑھانے کو ترجیح دے رہے ہیں۔دہلی بورڈ کے اسکولوں کی کتابیں مخصوص دکانوں پر ہی ملتی ہیں یا اسکولوں سے خریدنی پڑتی ہیں، جس کی وجہ سے کالج اسٹریٹ کے عام دکانداروں کا کاروبار متاثر ہوا ہے۔بنگالی میڈیم میں سمسٹر سسٹم لاگو ہونے سے کتابوں کی فروخت کا طریقہ بدل گیا ہے اور طلبائ میں نصابی کتابیں خریدنے کا رجحان کم ہوا ہے۔کتابوں کی فروخت میں کمی کی ایک بڑی وجہ گزشتہ چند سالوں میں سرکاری ملازمتوں کے امتحانات کا نہ ہونا ہے۔ پہلے مسابقتی امتحانات کی کتابیں کالج اسٹریٹ میں سب سے زیادہ فروخت ہوتی تھیں، لیکن اب اس میں بڑا بھٹہ بیٹھ گیا ہے۔ دکانداروں کا الزام ہے کہ 'امفان' طوفان کے دوران ہونے والے لاکھوں کے نقصان کا کوئی معاوضہ انہیں نہیں ملا۔ چھوٹے دکانداروں کا کہنا ہے کہ حکومت کی طرف سے بھیجی گئی امداد بڑے پبلشرز تک ہی محدود رہ گئی۔

Source: PC-sangbadpratidin