کلکتہ سمیت جنوبی بنگال میں شدید بارش کا امکان

کلکتہ سمیت جنوبی بنگال میں شدید بارش کا امکان خلیج بنگال میں کم دباو کا نظام گھنا ہو گیا ہے۔ آہستہ آہستہ یہ ساحلی علاقوں کی طرف بڑھ رہا ہے۔ علی پور موسمیات دفتر نے بتایا ہے کہ کم دباو کے اثر سے کلکتہ سمیت جنوبی بنگال میں شدید بارش کا امکان ہے۔ کہیں کہیں انتہائی شدید بارش بھی ہوگی۔ اتوار کی رات سے کلکتہ اور مضافاتی علاقوں میں لگاتار بارش شروع ہو گئی ہے۔ کبھی بارش کی رفتار بڑھ رہی ہے، کبھی کم ہو رہی ہے۔ لیکن بارش رک نہیں رہی۔ مسلسل بارش کے اثر سے شہر کی کچھ سڑکیں پانی میں ڈوب گئی ہیں۔ پیر کو دن بھر چھٹپٹ بارش جاری رہ سکتی ہے۔ موسم محکمہ نے بتایا ہے کہ شمال مغربی خلیج بنگال کا کم دباو کا علاقہ گھومتے ہوئے اتوار کو کم دباو میں تبدیل ہو گیا۔ اس وقت اڈیشہ کے بالیشور سے اس کا فاصلہ ۵۰ کلومیٹر جنوب-جنوب مشرق اور مغربی بنگال کے دیگھا سے60 کلومیٹر جنوب-جنوب مغرب تھا۔ یہ آہستہ آہستہ مزید مغرب-شمال مغرب کی طرف بڑھے گا۔ پیر تک اڈیشہ کے چندبالی (بالیشور کے قریب) اور دیگھا کے درمیانی حصے سے یہ خشکی میں داخل ہوگا۔ اس کے بعد کم دباو مزید شمال کی طرف بڑھے گا۔ اگلے ۲۴ گھنٹوں میں، یعنی منگل تک، یہ کم دباو اڈیشہ اور چھتیس گڑھ کی سرحد عبور کر سکتا ہے۔

Source: Social Media