کلکتہ میں وارڈ نمبر 39کے کونسلر جسیم الدین گرفتار

کلکتہ میونسپل کارپوریشن کا ایک اور ترنمول کانگریس کونسلر گرفتار ہوا ہے۔ پولیس نے اتوار کی صبح جوڑاسانکو کے وارڈ نمبر 39 کے کونسلر محمد جسیم الدین کو ان کے گھر سے گرفتار کیا۔ پولیس اور مرکزی فورسز صبح سے ہی ان کے گھر پر موجود تھیں۔ مبینہ طور پر ترنمول لیڈر دروازہ نہیں کھول رہے تھے۔ تقریباً چھ گھنٹے انتظار کے بعد پولس باہر سے تالا کھول کر اندر داخل ہوئی اور جسیم الدین کو گرفتار کر لیا گیا۔ پورے واقعہ کو لے کر علاقے میں کشیدگی پائی جاتی ہے۔ ان کے حامیوں نے احتجاج کیا، جبکہ جواباً بی جے پی کے حامی بھی احتجاج میں شامل ہو گئے اور انڈا پھینک کر مارا۔ جسیم الدین کے خلاف پوکسو ایکٹ اور تعزیرات ہند کی کئی دفعات کے تحت مقدمہ درج ہے۔ مقامی ذرائع کے مطابق جسیم الدین کے قریبی ساتھی تین سال قبل علاقے کی ایک نابالغ لڑکی سے چھیڑ چھاڑ میں ملوث تھے۔ نابالغ لڑکی اب کالج کی طالبہ ہے۔ ہفتے کی رات اس کے ساتھ دوبارہ چھیڑ چھاڑ کی گئی۔ پرانا مقدمہ واپس لینے کی دھمکی دی گئی۔ اس کے بعد لڑکی کے گھر والوں نے پولیس اسٹیشن میں ایک اور شکایت درج کرائی۔ پولیس نے کونسلر کے خلاف مقدمہ درج کر لیا۔اس کے خلاف غیر قانونی کام، مجرمانہ سازش، ڈرانے دھمکانے، رضامندی کے بغیر متاثرہ کا نام یا شناخت ظاہر کرنے اور ناشائستہ حملہ کے الزامات کے تحت ایف آئی آر درج کی گئی ہے۔ یہ بھی الزام ہے کہ کل رات کیلابگان علاقہ میں کئی سی سی ٹی وی توڑ دیے گئے۔ پولیس نے صبح کونسلر کے گھر کے اطراف کے علاقے کو گھیرے میں لے لیا۔ پولیس آپریشن صبح کے وقت شروع ہوا تاکہ اس بات کو یقینی بنایا جا سکے کہ محمد جسیم الدین کسی بھی طرح سے علاقہ چھوڑ کر بھاگ نہ سکے۔ تفتیش کار کونسلر کے گھر گئے اور تلاشی اور پوچھ گچھ شروع کردی۔ ذرائع کے مطابق 'ٹاک ٹو میئر' پروگرام میں بھی جسیم الدین کے خلاف الزامات ہیں۔ اتفاق سے، پولس نے ہفتہ کی رات کولکتہ میں ترنمول کے ایک اور کونسلر کو پکڑا گیا ہے۔پاٹولی کے وارڈ نمبر 101 کے کونسلر بپادتیہ داس گپتا کو گرفتار کر لیا گیا ہے۔ اس پر بھتہ خوری کا الزام ہے۔ ریاست میں حکومت کی تبدیلی کے بعد، پولس نے کولکتہ میں کل 6 ترنمول کونسلروں کو گرفتار کیا ہے۔ اب دیکھتے ہیں کہ پولیس پوچھ گچھ کے دوران کالج اسٹریٹ کا کونسلر کیا کہتا ہے، یا پھر گرفتار کیے جانے والے کولکتہ کے کونسلروں کی فہرست میں ان کا اگلا نام آنے والا ہے۔

Source: Social Media