کلکتہ کے کھدی رام انسولین کیندر کے اسٹرانگ روم میں ای وی ایم کے ساتھ چھیڑ چھاڑ پر مچا ہنگامہ

نیتاجی انڈور اسٹیڈیم کے کیمپس میں واقع کھودی رام انسولن کیندر میں واقع اسٹرانگ روم میں جمعرات کی شام ای وی ایم کو مشکوک طور پر ایک مقام سے دوسرے مقام پر لیجانے کا انکشاف ہواہے۔ جس کے بعد ترنمول کانگریس کے دوامیدوار ششی پانجا اور کنال گھوش احتجاجاً دھرنے پر بیٹھ گئے ہیں۔دونوں ترنمول امیدواروں کا مطالبہ ہے کہ الیکشن کمیشن اندر کے صورتحال سے فوراً آگاہ کرے۔ سوشل میڈیا پر اندر کے منظر کا ایک ویڈیو بھی گشت کررہا ہے۔ جس میں ای وی ایم کو ایک جگہ سے دوسری جگہ رکھا جارہا ہے۔کنال گھوش نے بتایا کہ سہہ پہر ساڑھے تین بجے تک پارٹی ورکر اور حامی اسٹرانگ روم کے سامنے موجود تھے انہیں دن کے بعد ہٹا دیاگیا۔اس دوران ہمیں ایک ای میل ملا جس میں بتایا گیا کہ شام چار بجے اسٹرانگ روم کھولا جائےگا۔جب ہم نے وہاں موجود اپنے ورکروں سے رابطہ کرکے ان کی پوزیشن جاننی چاہی تو انہوں نے بتایا کہ وہ واپسی کیلئے نکل آئے ہیں۔اسی دوران ان مین سے دو فوراً اسٹرانگ روم کی طرف بھاگے تو انہیں اندر داخل ہونے نہیں دیاگیا۔ جبکہ وہ بی جے پی والوں کو اندر بلا رہے تھے۔ دونوں ترنمول امیدواروں کی شکایت ہے کہ لائیو اسٹریم مین نظر آرہا تھا کہ اندر کام ہورہا ہے۔مگر سی ای او کا کہنا ہے کہ اندر کچھ نہیں ہورہا ہے۔ اگر پوسٹل بیلٹ پر کام ہو رہا ہے، تو وہ کہاں سے آئے؟" کنال کا سوال ہے کہ "جب ہمیں ای میل کیا گیا تو ہمیں اندر جانے کی اجازت کیوں نہیں دی جا رہی؟" ششی پانجانے یہ بھی کہا کہ، "اسٹرانگ روم بہت حساس ہے، اگر اسے کھولا جائے تو ہر سیاسی پارٹی کو مطلع کرنا ضروری ہے، اس کی اطلاع کیوں نہیں دی گئی؟"

Source: social media