کھڑگپور کے آئی سی کی پینٹ گیلی کرنے کی دھمکی! دلیپ گھوش کے خلاف ترنمول کی الیکشن کمیشن میں شکایت۔

کھڑگپور کے آئی سی کو پینٹ گیلی کرنے کی دھمکی دے کر بی جے پی کے دبنگ لیڈر دلیپ گھوش اب مشکل میں پھنس گئے ہیں۔ ترنمول کانگریس نے ان کے خلاف الیکشن کمیشن میں شکایت درج کرائی ہے۔ خط میں انتخابی ضابطہ اخلاق کی خلاف ورزی کا الزام لگاتے ہوئے ان کے خلاف کارروائی کی درخواست کی گئی ہے۔ واقعے کا آغاز چند روز قبل ہوا۔ اپنی پسندیدہ نشست کھڑگپور سے امیدوار بنتے ہی بنگال کے بی جے پی لیڈر دلیپ گھوش اپنے پرانے تیکھے انداز میں نظر آ رہے ہیں۔ گزشتہ پیر کو انہوں نے کھڑگپور ٹاون میں انتخابی مہم چلائی۔ اس دوران اسٹیج سے خطاب کرتے ہوئے انہوں نے کہا، ”یہاں کے آئی سی نے ہمارے کارکنوں کو اٹھا لیا ہے اور کہا ہے کہ ترنمول کے ساتھ کام کرو، ورنہ چار تاریخ کے بعد گولی مار دوں گا۔ سالے، تیرے باپ کی گولی ہے! کتنی گولیاں ہیں تیرے پاس؟ گولی دیکھی ہے؟ ایسی دکھاوں گا کہ آواز سے پینٹ گیلی ہو جائے گی۔“ انہوں نے مزید وارننگ دیتے ہوئے کہا، ”میں کہہ رہا ہوں، میں نے بہت بڑے بڑے غنڈے دیکھے ہیں۔ اس کھڑگپور میں تمام ڈاکووں کی آنکھوں میں آنکھیں ڈال کر بات کی ہے۔ ترنمول کے لیڈر ان غنڈوں اور مافیاوں کی چمچہ گیری کر کے جیتے ہیں اور اب بھی انہیں ساتھ لے کر چل رہے ہیں۔ دلیپ گھوش نے پہلے بھی ان سے آنکھوں میں آنکھیں ڈال کر بات کی ہے اور آگے بھی کرے گا۔ سینہ تان کر رہوں گا، دیکھوں گا کتنی بندوقیں پاس ہیں۔ یہ دادا گری ہمیں نہ دکھائیں۔“ دلیپ گھوش یہیں نہیں رکے، انہوں نے مزید کہا، ”پہلے کھڑگپور کے عام لوگوں نے دلیپ گھوش کو جتایا تھا، میں نے تمام غنڈوں کا حساب کتاب برابر کیا تھا۔ آنے والے دنوں میں بھی ایسا حساب کروں گا کہ حساب ملا نہیں پاو گے۔ کھڑگپور میں یہ سب نہیں چلے گا۔“ کھڑگپور کے آئی سی پر اس بے مثال حملے کی وجہ سے ترنمول نے ان کے خلاف کمیشن کا دروازہ کھٹکھٹایا ہے۔

Source: PC- sangbadpratidin