صحافی کے 'پلینگ الیون' والے سوال پر بابل سپریو آپے سے باہر! وائرل ویڈیو پر تنازع

کولکاتا6مارچ :راجیہ سبھا انتخابات کے لیے اسمبلی میں کاغذاتِ نامزدگی جمع کرانے کے دن، ترنمول کانگریس کے بابل سپریو ایک صحافی کے سوال پر غصہ کر بیٹھے۔ وہ باقاعدہ بحث و تکرار میں الجھ پڑے اور فوٹیج ڈیلیٹ کرنے کی دھمکی بھی دی۔ سوشل میڈیا پر اس واقعے کی ویڈیو وائرل ہونے کے بعد بابل سپریو کو شدید تنقید کا سامنا ہے۔ جمعرات کو مغربی بنگال کی پانچ راجیہ سبھا نشستوں کے لیے اسمبلی میں کاغذاتِ نامزدگی جمع کرائے گئے۔ ان میں ترنمول کے چار امیدوار شامل تھے، جن میں سے ایک بابل سپریو بھی تھے۔ اسمبلی کے احاطے میں ایک صحافی نے ان سے سوال کیا: "آپ نے کہا تھا کہ آپ ٹیم ترنمول (پہلے گیارہ کھلاڑیوں) میں شامل ہوں گے، تو کیا آپ اس میں جگہ نہیں بنا سکے؟" اس بات پر بابل سپریو مشتعل ہو گئے اور پوچھا: "اس طرح کا سوال کیوں؟ اس کا کیا مطلب ہے؟" جواب میں صحافی نے کہا: "ریاستی وزیر کے عہدے سے راجیہ سبھا جانا، کیا اس کا مطلب ٹیم الیون (کابینہ) میں نہ ہونا ہے؟" اس پر بابل مزید برہم ہو گئے۔ انہوں نے کہا: "بالکل ایسے سوالات نہ کریں، میں کوئی جواب نہیں دوں گا۔

Source: PC- sangbadpratidin