ہمیں تشدد پر نہیں محبت پریقین ہے: یوگی کو ممتا بنرجی کا کرارا جواب

مغربی بنگال کے انتخابی میدان میں اتر پردیش کے وزیر اعلیٰ یوگی آدتیہ ناتھ کے 'بلڈوزر' والے بیان پر ممتا بنرجی نے سخت ردعمل دیتے ہوئے اپنی سیاست کو 'محبت کی سیاست' قرار دیا ہے اتوار کو مغربی بنگال میں بی جے پی کی انتخابی مہم کے سلسلے میں منعقدہ ایک جلسے میں یوگی آدتیہ ناتھ نے اپنے مخصوص انداز میں تقریر کی۔ انہوں نے ایک بار پھر 'بلڈوزر' کا تذکرہ کرتے ہوئے شرپسندوں اور مخالفین کو خبردار کیا۔ بی جے پی نے 2026 کے بنگال انتخابات کے لیے چار ریاستوں کے وزرائے اعلیٰ کو اسٹار پرچارک کے طور پر میدان میں اتارا ہے، جن میں یوگی آدتیہ ناتھ سرفہرست ہیں۔ پیر کے روز انتخابی مہم کے دوران ممتا بنرجی نے یوگی کے بیان کا حوالہ دیتے ہوئے انہیں کرارا جواب دیا۔ممتا نے کہا، "ہم کسی بلڈوزر پالیسی پر یقین نہیں رکھتے، ہم لوگوں کے درمیان محبت اور بھائی چارے پر یقین رکھتے ہیں۔ انہوں نے واضح کیا کہ بنگال کی مٹی بلڈوزر جیسے پرتشدد کلچر کو قبول نہیں کرتی، یہاں سیاست انسانیت اور تعلقات کی بنیاد پر ہوتی ہے۔ممتا بنرجی اور ترنمول کانگریس مسلسل بی جے پی کی مرکزی قیادت اور دیگر ریاستوں کے لیڈروں کو 'ڈیلی پیسنجر' (روزانہ آنے جانے والے مسافر) قرار دے کر تنقید کر رہی ہیں، جو صرف انتخابات کے وقت بنگال کا رخ کرتے ہیں۔2026 کے اسمبلی انتخابات جیسے جیسے قریب آ رہے ہیں، دونوں جماعتوں کے درمیان بیانیے کی جنگ تیز ہوتی جا رہی ہے:دوسری طرف ممتا بنرجی اپنی حکومت کے عوامی فلاحی کاموں اور 'بنگالی شناخت' کو ڈھال بنا کر بی جے پی کے حملوں کا جواب دے رہی ہیں۔ ممتا بنرجی نے یوگی آدتیہ ناتھ کے سخت گیر موقف کے مقابلے میں خود کو ایک نرم دل اور عوام دوست لیڈر کے طور پر پیش کیا ہے، تاکہ ووٹرز کو یہ پیغام دیا جا سکے کہ بی جے پی کی سیاست بنگال کے مزاج سے میل نہیں کھاتی۔

Source: PC-sangbadpratidin