ہوڑہ میں ساٹھ فٹ کی درگا کی مورتی نصب ہوگی

ہاوڑہ: پل سے ودیا ساگر پل تک۔ گنگا کے کنارے سے متصل اس وسیع علاقے کی شکل بدل جائے گی۔ ہوڑہ گرینڈ فورشور روڈ کی شکل بھی بدلنے والی ہے۔ جمعرات کی صبح معائنے پر جا کر یہی بات کہی شمالی ہاوڑہ کے ایم ایل اے اور شہری ترقی کے وزیر مملکت اومیش رائے نے۔ پورٹ ٹرسٹ اور ریاستی حکومت کے مشترکہ اقدام سے گنگا کے گھاٹوں کی مرمت اور جدید کاری کے ساتھ ساتھ ایک بڑا درگا مجسمہ بھی بنایا جائے گا۔وزیر نے بتایا کہ تقریباً 60 فٹ بلندی کا دھاتی مجسمہ گنگا کے گھاٹ پر نصب کیا جائے گا۔ اس کا نام ’درگا شکتی‘ رکھا جائے گا۔ گنگا کے گھاٹ سے متصل عارضی دکانوں کو ہٹا کر جدید کاری کی جائے گی۔ کئی مراحل میں جدید کاری کا کام جاری رہے گا۔ جمعرات کو رام کرشن پور گھاٹ سے متصل علاقے کا معائنہ کرنے گئے شمالی ہاوڑہ کے ایم ایل اے اور شہری ترقی کے وزیر مملکت اومیش رائے۔ وزیر کے ساتھ مرکز کے این بی سی سی دفتر کے اعلیٰ افسران بھی تھے۔ وزیر نے بتایا کہ جلد ہی کام شروع ہو جائے گا۔ تقریباً 1 کروڑ 80 لاکھ روپے کی لاگت سے یہ خوبصورتی کا کام کیا جائے گا۔ اس درگا مورتی کے ’ماڈل‘ کی تصویر بھی پہلے ہی جاری کر دی گئی ہے۔اومیش رائے نے بتایا کہ انجینئروں نے جگہ کا معائنہ کر لیا ہے۔ جلد کام شروع ہو جائے گا۔ ان کے الفاظ میں، ”ہاوڑہ کی شکل بدل جائے گی۔ ایک نیا روپ دینے کی کوشش کی جا رہی ہے۔ امید ہے کہ درگا پوجا سے پہلے ہی درگا شکتی کا کام ختم ہو جائے گا۔“ انہوں نے لندن آئی کے طرز پر کلکتہ آئی لگانے کے منصوبے کی بھی بات کی۔ خوبصورتی کے ساتھ ساتھ بہت سے لوگوں کے لیے روزگار کے مواقع پیدا ہوں گے، وزیر نے یہ بھی بتایا۔

Source: PC-anandabazar