غلام احمد میر کی جگہ پر اترا کھنڈ کے پرکاش جوشی کو پردیش کانگریس کا مبصر بنایا گیا

غلام احمد میر کی جگہ پر اترا کھنڈ کے پرکاش جوشی کو پردیش کانگریس کا مبصر بنایا گیا اسمبلی انتخابات کے نتائج کا جائزہ لینے کے بعد اے آئی سی سی نے صوبہ کانگریس کے مبصر کے عہدے پر تبدیلی کی۔ جموں و کشمیر کے ایم ایل اے غلام احمد میر کی جگہ مغربی بنگال صوبہ کانگریس کے مبصر کے طور پر اتراکھنڈ کے پرکاش جوشی کو تعینات کیا گیا۔ بدھ کو اے آئی سی سی کے تنظیمی جنرل سیکریٹری کے سی وینوگوپال نے ایک بیان جاری کر کے اس فیصلے کا اعلان کیا۔ 2022 میں غلام احمد میر کو مبصر بنا کر بنگال بھیجا گیا تھا۔ مقصد 2026 کے اسمبلی انتخابات تک بنگال میں کانگریس کو مضبوط اور بااثر بنانا تھا۔ اسی مقصد کے تحت میر کے مشورے پر ہی صوبہ صدر شوبھنکر سرکار نے اضلاع میں ضلعی تنظیموں کو مضبوط کرنے کی کوششیں شروع کیں۔ اتحاد پر انحصار ختم کر کے کانگریس کی اکیلے چلنے کی حکمت عملی کے پیچھے بھی اس کشمیری رہنما کا بڑا کردار تھا۔ صوبہ کا دعویٰ ہے کہ اس کے مثبت نتائج برآمد ہوئے ہیں۔ ریاست میں صفر کے دائرے سے نکل کر کانگریس کو کچھ ووٹوں میں اضافہ ہوا ہے اور پوری ریاست میں اس کی موجودگی محسوس ہونے لگی ہے۔ صوبہ رہنماو¿ں کے ایک طبقے کا خیال ہے کہ بنگال میں میر کی کارکردگی سے ہائی کمان خوش ہے۔ اسی وجہ سے انہیں نسبتاً زیادہ اہم ریاست تمل ناڈو اور پدوچیری کا مبصر بنا کر بھیجا گیا۔ میر کی پروموشن ہو سکتی ہے، اس کا اشارہ کچھ دن قبل کلکتہ آ کر خود کے سی وینوگوپال نے دے گئے تھے۔ اسی کے مطابق انہیں تمل ناڈو بھیج دیا گیا۔ اس ریاست میں کانگریس اب تھولپتی وجے کی ٹی وی کے ساتھ حکومت میں ہے۔ ان کے ساتھ ہم آہنگی برقرار رکھنے کے ساتھ ساتھ دیگر چھوٹی جماعتوں کو ساتھ لے کر چلنے جیسی ذمہ داریاں اب میر کے کاندھوں پر ہیں۔ اس کے مقابلے میں کم پروفائل پرکاش جوشی کو ریاست میں بھیجا گیا۔ پرکاش اتراکھنڈ کے گڑھوال علاقے کے رہنما ہیں اور گزشتہ لوک سبھا انتخابات میں کانگریس کے امیدوار تھے، تاہم وہ ناکام رہے۔ ان کی سیاست کا آغاز کانگریس کے طلبہ تنظیم این ایس یو آئی سے ہوا، پھر یوتھ کانگریس کی۔ قابل ذکر بات یہ ہے کہ انہوں نے موجودہ صوبہ صدر شوبھنکر سرکار کے ساتھ طویل عرصہ سیاست کی ہے اور شوبھنکر سے جونیئر ہیں۔ خیال کیا جا رہا ہے کہ موجودہ صوبہ صدر کے ساتھ ان کے تعلقات ہموار رہیں گے۔ اس لیے صوبہ کانگریس میں ادھیر لابی بمقابلہ شوبھنکر لابی کے نام نہاد تنازعہ میں شوبھنکر کے حامیوں کو اضافی فائدہ حاصل ہونے والا ہے۔

Source: Social Media