ندیا : جعلی سونا بیچتے دو دھوکہ باز پکڑے گئے۔ یہ واقعہ ندیا کے ہرینگھٹا میں مولابیلیا گرام پنچایت کے جمناپارہ علاقے میں پیش آیا۔ دو ملزمین کے نام دیوراج دتہ ہیں جو کھردہ کا رہنے والا ہے اور دوسرے کا مقامی باشندہ امتدال منڈل ہے۔پولیس ذرائع کے مطابق دونوں افراد گزشتہ جمعرات کی شام ہرینگھٹا بازار میں سونے کی دکان پر گئے تھے۔ انہوں نے تقریباً 1.5 لاکھ روپے کے زیورات کے کئی ٹکڑے سونے کے طور پر بیچے۔ مشکوک ہونے کی وجہ سے دکاندار نے زیورات کی جانچ کی، جن میں سے زیادہ تر تانبے کے بنے ہوئے تھے اور اوپر صرف سونے کا پانی چڑھایا تھا۔ فوری طور پر ہرینگھاٹہ پولیس اسٹیشن کو اطلاع دی گئی۔ دکان کے مالک نے ہرینگھٹا پولیس اسٹیشن میں شکایت درج کرائی۔ ہرینگھاٹہ پولیس اسٹیشن نے واقعہ کی تحقیقات شروع کردی۔خفیہ ذرائع سے اطلاع ملنے کے بعد دونوں افراد کو گرفتار کرکے تھانے لے جایا گیا۔ ان سے پوچھ گچھ کے بعد پولیس کو پتہ چلا کہ اس میں کوئی اور بھی ملوث ہوسکتا ہے۔ ہرینگھاٹہ پولیس اسٹیشن نے پورے گینگ کا پتہ لگانے کے لیے تحقیقات شروع کردی ہے۔جمعہ کو جب ملزمان کو کلیانی سب ڈویڑن کورٹ میں پیش کیا گیا تو عدالت نے ان کی پانچ روزہ پولیس تحویل کا حکم دیا۔پولیس ذرائع کے مطابق آس پاس کے علاقے میں اس طرح کی فراڈ پہلے بھی ہو چکی ہے۔ اس لیے اس واقعہ کو لے کر تاجروں میں سنسنی پائی جاتی ہے۔ پولیس تمام پہلووں سے تفتیش کر رہی ہے۔

Source: social media