جعلی دستاویزات کے ذریعے 35 لاکھ روپے کا قرض دینے کے الزام میں بینک ایجنٹ گرفتار

کلکتہ : لال بازار کے بینک فراڈ پریوینشن سیل نے جعلی دستاویزات دکھا کر بینک سے 35 لاکھ روپے کا قرض لینے اور رقم واپس نہ کرنے کے الزام میں ایک شخص کو گرفتار کیا ہے۔ گرفتار شخص کا نام تبریز خان بتایا گیا ہے۔ معلوم ہوا ہے کہ وہ ملزم کے ساتھ مل کر دھوکہ دہی میں ملوث تھا۔ اس سے قبل پولیس نے اس واقعہ میں تین افراد کو گرفتار کیا تھا۔28 جون کو ایک نجی بینک کے اہلکار سیف علی بلال نے ہیئر اسٹریٹ پولیس اسٹیشن میں شکایت درج کروائی۔ انہوں نے الزام لگایا کہ اپریل 2024 میں کئی لوگوں نے جعلی دستاویزات جمع کرائے اور بینک سے 35 لاکھ روپے کا ہوم لون لیا۔ یہ بھی الزام ہے کہ قرض کی ایک بھی قسط ادا نہیں کی گئی۔تفتیش کے بعد، پولس نے تبریز کو 13 جنوری کی شام کو پٹولی تھانہ علاقے کے گنگولی بگان سے گرفتار کیا۔ اس معاملے میں پہلے نیلانجن مکھرجی، باسوجیت بنرجی اور سبرت داس گپتا نام کے تین افراد کو گرفتار کیا گیا تھا۔پولیس ذرائع کے مطابق گرفتار شخص بینک کے مجاز ایجنٹ کے طور پر کام کرتا تھا۔ اس نے ساڑھے تین لاکھ روپے قرض حاصل کرنے میں مدد کی۔

Source: Social Media