گاڑی روک کر ڈکیتی کی کوشش، فرار ہونے کی کوشش میں چار دوستوں کی مصیبت بڑھ گئی

کولکاتا6مارچ :قومی شاہراہ (نیشنل ہائی وے) پر گاڑی روک کر ڈکیتی کی کوشش کی گئی۔ چار دوست کسی طرح بدمعاشوں کے چنگل سے بچ نکلنے میں کامیاب ہوئے، لیکن جیسے ہی وہ قریبی گاوں میں داخل ہوئے، گاوں والوں نے انہیں 'بچہ چور' سمجھ کر ان کا پیچھا کرنا شروع کر دیا۔ آخر کار تھانے میں پناہ لے کر ان چاروں دوستوں کی جان بچی۔ یہ واقعہ نادیہ ضلع کے نکاشی پاڑہ میں پیش آیا۔ پولیس ذرائع کے مطابق، جمعرات کی شام بیتھواڈہری کے کھدیر پور کے رہائشی سائن منڈل اپنے تین دوستوں کے ساتھ گاڑی میں دیو گرام گئے تھے۔ واپسی کے وقت نکاشی پاڑہ تھانہ کے ناگادی علاقے میں 12 نمبر قومی شاہراہ پر اچانک کچھ لوگوں نے ان کی گاڑی روکنے کی کوشش کی۔ جب انہوں نے گاڑی نہیں روکی اور آگے بڑھنے کی کوشش کی تو بدمعاشوں نے گاڑی پر ہنسوئے (دورانتی) سے وار کیا۔ اس کے بعد کسی طرح گاڑی میں سوار ہو کر وہ چاروں دوست بدمعاشوں کی پہنچ سے دور بھاگنے میں کامیاب ہو گئے۔ گاوں کے راستے سے فرار ہوتے وقت گاوں والوں کو شک ہوا کہ وہ بچہ چور ہیں۔ فوراً افواہ پھیل گئی، جس کے بعد کچھ لوگوں نے بائیک پر ان کی گاڑی کا پیچھا کیا۔ نکاشی پاڑہ ٹول پلازہ کے پاس کچھ نوجوان بیٹھے گپ شپ کر رہے تھے، تیز رفتار گاڑی اور اس کا پیچھا کرتی بائیک دیکھ کر ان نوجوانوں نے بھی تعاقب شروع کر دیا۔

Source: PC- anandabazar