جمعہ کو بنگال میں بارش ہونے کا امکان

جنوب مشرقی راجستھان سے منی پور تک ایک ٹرف لائن گنگا کے مغربی بنگال کے اوپر سے گزر رہی ہے۔شمالی بنگلہ دیش اور اس کے آس پاس کے علاقوں میں ہوا کا ایک گردشی دباو بنا ہوا ہے۔ن دونوں وجوہات کی بنا پر خلیج بنگال سے بڑی مقدار میں نمی زمینی علاقوں میں آ رہی ہے، جو طوفان اور بارش کا باعث بن رہی ہے۔کولکتہ سمیت جنوبی بنگال کے تمام اضلاع میں ہلکی بارش اور 30 سے 40 کلومیٹر فی گھنٹہ کی رفتار سے ہوائیں چلنے کا امکان ہے۔اس سے قبل جمعرات کو ہگلی، بانکوڑا، اور بردھوان جیسے اضلاع کے لیے نارنجی الرٹ جاری کیا گیا تھا جہاں 50 سے 60 کلومیٹر کی رفتار سے طوفان کی توقع تھی۔ بارش کی وجہ سے اگلے دو دنوں میں درجہ حرارت میں 2 سے 3 ڈگری کی کمی آئے گی، لیکن اتوار سے پارہ دوبارہ 3 سے 4 ڈگری تک چڑھ جائے گا۔شمالی بنگال کے آٹھ اضلاع میں ہفتہ تک ہلکی بارش اور طوفان کے لیے پیلا الرٹ جاری کیا گیا ہے۔دارجلنگ، کالمپونگ، علی پور دوار اور کوچ بہار میں اتوار کو بھی طوفانی بارش کا امکان ہے۔ شمالی بنگال میں بارش کا یہ سلسلہ بدھ تک وقفے وقفے سے جاری رہ سکتا ہے۔

Source: PC-anandabazar