فرہاد حکیم نے ہمایوںکبیر کو کلنک اور کیڑا قرار دیا

عام جنتا وکاس پارٹی کے چیئرمین ہمایوں کبیر کی وائرل ویڈیو نے ریاست کی سیاست میں ہنگامہ کھڑا کر دیا ہے۔ کولکتہ کے میئر فرہاد حکیم نے اس معاملے پر ہمایوں کبیر کو سخت تنقید کا نشانہ بنایا ہے۔ فرہاد حکیم نے ہمایوں کبیر کو 'کلنک' (خاندان کا داغ) اور 'کیڑا' قرار دیتے ہوئے کہا کہ جو شخص بی جے پی سے پیسے لے کر مسلمانوں کے مذہبی جذبات کا سودا کر رہا ہے، اسے معاشرے سے بے دخل کر دینا چاہیے۔ میئر نے سوال اٹھایا، "کیا بنگال کے مسلمان اتنے نادان ہیں؟ آپ پیسوں کے لیے ہمارا ایمان فروخت نہیں کر سکتے۔ یہ گناہ ہے، گناہ ہے، گناہ ہے۔" انہوں نے عوام سے اپیل کی کہ اس شخص کو ایک بھی ووٹ نہ دیا جائے۔وائرل ویڈیو میں ہمایوں کبیر مبینہ طور پر کہہ رہے ہیں کہ وہ ممتا بنرجی کو ہٹانے کے لیے شبھیندو ادھیکاری، وزیر اعظم کے دفتر اور مدھیہ پردیش کے وزیر اعلیٰ موہن یادو کے رابطے میں ہیں۔ ویڈیو کے مطابق، ہمایوں نے "مسلمانوں کو بیوقوف بنانے کے منصوبے" کے لیے 1000 کروڑ روپے کا مطالبہ کیا ہے تاکہ وہ مسلم اکثریتی نشستوں پر ترنمول کے ووٹ کاٹ کر بی جے پی کی جیت کی راہ ہموار کر سکیں۔انہوں نے دعویٰ کیا کہ بابری مسجد کے مسئلے کو اٹھا کر وہ جذبات کے سہارے 80-90 نشستیں حاصل کر لیں گے۔

Source: PC-sangbadpratidin