ملازمین کے حساس مسئلے پر بات چیت ہوگی: شوبھندو ادھیکاری کا اشارہ

ریاستی سرکاری ملازمین کے بقایا ڈی اے کے حوالے سے ہونے والے انتظار کے درمیان، وزیر اعلیٰ شوبھیندو ادھیکاری نے کابینہ کے پہلے اجلاس کے بعد ایک اہم اشارہ دیا ہے۔ انہوں نے واضح کیا ہے کہ ملازمین کے مفادات سے جڑے ان حساس مسائل پر اگلی میٹنگ میں تفصیلی بات چیت ہوگی۔ وزیر اعلیٰ نے اعلان کیا ہے کہ کابینہ کی اگلی میٹنگ اگلے پیر کو ہوگی۔ اس میٹنگ میں مہنگائی الاونس، بقایا جات پے کمیشن اور ادارہ جاتی بدعنوانی جیسے اہم موضوعات پر تبادلہ خیال کیا جائے گا۔آر جی کر سمیت خواتین پر تشدد کے واقعات کی روک تھام پر بھی اگلے اجلاس میں غور ہوگا۔حکومت کی تشکیل کے بعد پیر پہلا ورکنگ ڈے تھا۔ انتظامی امور کو سمجھنے اور کاغذات تیار کرنے کے لیے زیادہ وقت میسر نہیں تھا۔کابینہ نے ان تمام معاملات پر فیصلے لیے جن کے کاغذات پہلے سے تیار تھے (جیسے بی ایس ایف کو زمین اور مرکزی اسکیموں کا نفاذ)۔بی جے پی نے اپنے انتخابی منشور اور مہم کے دوران ریاستی سرکاری ملازمین سے یہ وعدہ کیا تھا کہ: حکومت بننے کے 45 دنوں کے اندر مرکزی شرح پر ڈی اے دیا جائے گا۔ریاست میں ساتواں پے کمیشن نافذ کیا جائے گا۔سرکاری ملازمت کے لیے عمر کی حد میں 5 سال کا اضافہ۔سرحدی باڑ لگانے کے لیے بی ایس ایف کو زمین کی فراہمی۔بنگال میں آیوشمان بھارت سمیت دیگر مرکزی اسکیموں کا آغاز۔

Source: PC-sangbadpratidin