انتخابی سرگرمیوں سے بھرپور بنگال کے لیے مودی تحفوں کا پٹارہ لے کر حاضر ہو رہے ہیں

وزیر اعظم نریندر مودی بنگال کے دوروزہ دورے پر آرہے ہیں۔ 17 تاریخ کو مالدہ اور 18 تاریخ کو ہوگلی کے سنگور میں وزیر اعظم کے مختلف پروگرام ہوں گے۔وزیر اعظم مجموعی طور پر 4,000 کروڑ روپے سے زائد مالیت کے منصوبوں کا افتتاح اور سنگ بنیاد رکھیں گے۔مالدہ اسٹیشن سے ملک کی پہلی ہاوڑہ-گوہاٹی وندے بھارت سلیپر ٹرین کا افتتاح کیا جائے گا۔ اس کے علاوہ وہ 4 نئی وندے بھارت ٹرینوں کا بھی افتتاح کریں گے۔مالدہ میں ایک سرکاری تقریب کے دوران 3,250 کروڑ روپے سے زائد مالیت کے ریل اور سڑک کے بنیادی ڈھانچے کے منصوبوں کا سنگ بنیاد رکھا جائے گا۔ بالور گھاٹ اور ہلی کے درمیان نئی ریل لائن، سلی گوڑی لوکو شیڈ کی ترقی اور جلپائی گوڑی میں وندے بھارت ٹرین کی دیکھ بھال کی سہولت کی جدید کاری کا سنگ بنیاد۔ کوچ بہار-بامن ہاٹ اور نیو کوچ بہار-بکشی ہاٹ کے درمیان الیکٹرک ریل لائنوں کا افتتاح۔ ہوگلی میں پورٹ گیٹ سسٹم کا سنگ بنیاد۔ کل شمالی بنگال میں سیاسی اور انتظامی گہما گہمی عروج پر رہے گی۔ جہاں وزیر اعظم مالدہ میں ہوں گے، وہیں وزیر اعلیٰ ممتا بنرجی سلی گوڑی میں کلکتہ ہائی کورٹ کے سرکٹ بینچ کی نئی عمارت کا افتتاح کریں گی۔

Source: PC- sangbadpratidin