کولکاتا12جون :کولکتہ میٹرو کی بلیو لائن (دکشینیشور سے کبی سبھاش) میں تبدیلیاں آ رہی ہیں۔ الیکٹریفائیڈ تھرڈ لائن (تھرڈ ریل) کے لیے سٹیل کے بجائے ایلومینیم استعمال کرنے کے انتظامات کیے جا رہے ہیں۔ اس کے نتیجے میں میٹرو کی رفتار بڑھ جائے گی۔ دونوں میٹروز کے درمیان فاصلہ کم ہو جائے گا۔ میٹرو حکام کو امید ہے کہ کام مکمل ہونے کے بعد، کولکتہ میٹرو میں سنگاپور اور لندن جیسے بڑے شہروں کی طرح کی خدمات دستیاب ہوں گی۔ میٹرو نے ایک پریس ریلیز میں کہا کہ شیام بازار سے رابندر سدن تک ایلومینیم تھرڈ ریل کے بجائے اپ اور ڈاون لائن پر 13.5 کلومیٹر لمبی اسٹیل تھرڈ ریل لگائی گئی ہے۔ منصوبے کے مطابق، نوپارہ سے مہانائک اتم کمار اسٹیشن تک کل 38 کلومیٹر طویل اسٹیل تھرڈ ریل کو دسمبر 2025 تک ایلومینیم تھرڈ ریل سے تبدیل کیا جائے گا۔اس کے بعد مہانائک اتم کمار سے کبی سبھاش تک ریل کو تبدیل کرنے کا کام شروع ہوگا۔ دسمبر 2026 تک کام مکمل کرنے کا ہدف ہے اس کے مطابق کام مکمل کیا جائے گا۔ معلوم ہوا ہے کہ کام مکمل ہونے کے بعد ہر سال 6.6 کروڑ یونٹ بجلی یا تقریباً 50 کروڑ روپئے کی بچت ہوگی۔

Source: Mashriq News service