آر جی کار اسپتال لفٹ واقعہ میں عدالت نے گرفتار5 ملزمان کو ریمانڈ پر پولیس کی تحویل میں دینے کا حکم دیا

کلکتہ : عدالت نے آر جی کار اسپتال لفٹ واقعہ میں گرفتار پانچ افراد کو یکم اپریل تک پولیس کی تحویل میں رہنے کا حکم دیا ہے۔گرفتار ہونے والوں میں تین لفٹ مین اور دو سیکورٹی گارڈ شامل ہیں۔جمعہ کو ملزم کے وکیل نے عدالت میں کہا، "یہ واقعہ غیر ارادی طور پر ہوا، اس کے پیچھے کوئی وجہ نہیں ہے، واقعے کے وقت سی آئی ایس ایف اور پولیس اہلکار بھی موجود تھے، تو پھر صرف ان پانچ لوگوں کو ہی کیوں گرفتار کیا گیا؟" ملزم کے ایک اور وکیل نے کہا کہ واقعہ کے وقت ان کا موکل اسپتال کی سیکیورٹی کے انچارج تھا۔ وکیل نے سوال کیا کہ ان کا موکل اس واقعے میں کیسے ملوث ہوا؟ اس کے علاوہ پانچ افراد کی جانب سے عدالت میں ضمانت کی درخواستیں دائر کی گئی ہیں۔ضمانت کی مخالفت کرتے ہوئے حکومتی وکیل نے کہا کہ لفٹ مین کو مخصوص ذمہ داری سونپی گئی ہے۔ ان کے پاس لائسنس ہیں۔ لیکن واقعہ کے وقت وہ لفٹ خالی چھوڑ گئے تھے۔ تالہ کھلنے میں تاخیر ہوئی۔ سوال یہ ہے کہ وہ اپنی ذمہ داری چھوڑ کر لفٹ کو خالی کیسے چھوڑ گئے؟دوسری جانب متاثرہ خاندان کے وکیل شوبھ جیوتی دتہ نے کہا کہ "کوئی لفٹ مین یہ نہیں کہہ سکتا کہ وہ لفٹ کے حادثے کا ذمہ دار نہیں ہے جہاں وہ ڈیوٹی پر تھا، کون سی لفٹ کا انچارج تھا یہ الگ بات ہے لیکن واقعے کے وقت اس لفٹ کا انچارج غائب تھا، اتنے بڑے حادثے کے بعد کوئی بھی ذمہ داری سے نہیں بچ سکتا۔" انہوں نے مزید کہا، "یہ واقعہ پوری طرح سے لاپرواہی کی وجہ سے ہوا ہے۔ ان پانچوں افراد بشمول پولس اہلکار، سی آئی ایس ایف جوان اور دیگر جو واقعہ کے وقت ڈیوٹی پر تھے، کو تحقیقات کے دائرے میں لایا جانا چاہئے۔اروپ اپنے بیٹے کے علاج کے لیے آر جی کار میڈیکل کالج گئے تھے۔ زخمی اروپ کو جمعہ کی صبح لفٹ سے بچایا گیا۔ ڈاکٹروں نے اسے مردہ قرار دے دیا۔ لاش کی ابتدائی پوسٹ مارٹم رپورٹ میں انکشاف ہوا ہے کہ 41 سالہ اروپ کے جسم پر کئی زخم تھے۔ پولیس ذرائع کے مطابق اس کے ہاتھ، ٹانگیں اور پسلیاں ٹوٹی ہوئی تھیں۔ اس کا دل، پھیپھڑے اور جگر بھی پھٹ چکے تھے۔ آر جی کار اسپتال کے سپرنٹنڈنٹ سپترشی چٹرجی نے کہا کہ متوفی اروپ کے والد نے انہیں ایک تحریری شکایت پیش کی تھی۔ شکایت تھانہ تلہ کو بھیج دی گئی۔ جس کی بنیاد پر قتل کا مقدمہ درج کیا گیا۔ لال بازار کی ہومیسائیڈ برانچ نے مزید تفتیش کا چارج سنبھال لیا ہے۔

Source: Social Media