وزیر اعلیٰ نے بی جے پی حکومتوں پرقبائلیوںپر ظلم کرنے کا الزام لگایا

کولکاتا28مارچ :وزیر اعلیٰ نے الزام لگایا کہ گزشتہ انتخابات میں بی جے پی نے پورولیا میں کئی وعدے کر کے جیت حاصل کی تھی، لیکن جیتنے کے بعد وہ کہیں نظر نہیں آئے۔ انہوں نے طنزیہ انداز میں کہا، "تمہارا کوئی سراغ نہیں ملا"۔ انہوں نے اوڈیشہ اور اتر پردیش کا حوالہ دیتے ہوئے بی جے پی حکومتوں پر قبائلیوں پر مظالم ڈھانے کا الزام بھی لگایا۔کنیا شری، میدھا شری، نویں جماعت میں سائیکل اور اعلیٰ تعلیم کے لیے اسمارٹ کارڈ کی سہولیات کا ذکر کیا۔ انہوں نے کہا کہ مرکز کی جانب سے 100 دن کے کام کی رقم بند کرنے کے بعد، ریاستی حکومت نے 'کرم شری' منصوبہ شروع کر کے لوگوں کی مدد کی ہے۔ ہورا بلاک میں آئی ٹی آئی، پینے کے پانی کا منصوبہ، کسان بازار، خواتین کی فٹ بال اکیڈمی اور چھو اکیڈمی کے قیام کی یاد دہانی کرائی۔انہوں نے زور دے کر کہا کہ ان کی حکومت ذات پات یا مذہب کی بنیاد پر فرق نہیں کرتی۔سنتھالی زبان کو تسلیم کرنا، اول چکی زبان میں لغت کی اشاعت، اور ہندی، اردو، کرمالی سمیت تمام زبانوں کو احترام دینے کا ذکر کیا۔ برسا منڈا یونیورسٹی کا قیام اور رگھوناتھ مرمو اور پنچانن ورما کے نام پر ادارے بنا کر قبائلیوں اور مختلف طبقات کے تئیں احترام ظاہر کرنے کا دعویٰ کیا۔ وزیر اعلیٰ نے ہاوسنگ اسکیم (آواس یوجنا) کے فنڈز اور 100 دن کے کام کی بقایا رقم روکنے پر مرکزی حکومت کو نشانہ بنایا۔ انہوں نے یہ بھی ذکر کیا کہ دہلی میں احتجاج کے دوران ترنمول کے ارکان پارلیمنٹ اور اسمبلی کو ہراساں کیا گیا تھا۔

Source: PC- anandabazar