وزیر اعلیٰ نے بیلو ر مٹھ میں مہاراجوں کے سامنے زمین بوس ہوکر آشیرواد لیا

مغربی بنگال کے نئے وزیر اعلیٰ کے طور پر ذمہ داری سنبھالنے کے بعد، شبھیندو ادھیکاری نے وزیر اعظم نریندر مودی کے دکھائے ہوئے راستے پر چلتے ہوئے 'روحانیت' کی طرف رخ کیا ہے۔ جمعرات کو پہلی بار بیلور مٹھ کا دورہ کرتے ہوئے، انہوں نے رام کرشن مٹھ اور مشن کے صدر سوامی گوتم آنند جی مہاراج کے پاوں چھو کر آشیرواد (دعا) لیا۔ آج ہوڑہ اور درگاپور میں ان کی دو اہم انتظامی میٹنگیں تھیں۔ اگرچہ انہوں نے جیٹ کی رفتار سے انتظامی کام شروع کر دیے ہیں، لیکن ہاوڑہ کی میٹنگ سے پہلے وقت نکال کر وہ بیلور مٹھ پہنچے۔ مٹھ میں سادھووں نے وزیر اعلیٰ کا استقبال کیا۔ انہیں اپنے درمیان پا کر عام زائرین میں بھی زبردست جوش و خروش دیکھا گیا۔مٹھ میں داخل ہونے کے بعد وزیر اعلیٰ شبھیندو ادھیکاری نے کئی رسومات میں حصہ لیا۔سب سے پہلے وہ شری رام کرشن کے مرکزی مندر گئے، وہاں آرتی دیکھی اور پوجا کی۔ اس کے بعد وہ سوامی وویکانند کی یادوں سے وابستہ مقدس کمرے میں گئے اور عقیدت کا اظہار کیا۔ انہوں نے یکے بعد دیگرے سوامی برہمانند مندر اور شری شری ماں ساردامنی دیوی مندر جا کر پھول چڑھائے اور پرنام کیا۔سب سے آخر میں وہ مٹھ کے صدر مہاراج سوامی گوتم آنند جی کے کمرے میں گئے، ان کے ساتھ کچھ وقت اکیلے گزارا اور ان کی اچھی صحت اور لمبی عمر کی دعا کی۔ وزیر اعظم نریندر مودی کا رام کرشن مشن کے ساتھ تعلق ان کے لڑکپن سے ہی بہت گہرا ہے۔ جب بھی وہ کولکتہ آتے ہیں، اکثر بیلور مٹھ جاتے ہیں۔ اب ریاست کے نئے وزیر اعلیٰ شبھیندو ادھیکاری کا بیلور مٹھ کا دورہ اور سادھووں سے آشیرواد لینا—سیاسی حلقوں کے مطابق مودی جی کے اسی روحانی راستے کی عکاسی ہے۔ اس دورے میں وزیر اعلیٰ کے ساتھ معروف معالج نارائن بنرجی بھی موجود تھے۔

Source: PC-sangbadpratidin