بیلیہ گھاٹہ مار پیٹ کے واقعہ میں ملوث ترنمول لیڈر کو پولس نے گرفتار کرلیا

کلکتہ کے بیلیہ گھاٹہ کے باشندے سے اٹھا کر مار پیٹ کرنے کے واقعہ میں مقامی ترنمول لیڈر راجو نسکر کے خلاف شکایت درج کرائی گئی تھی۔ شکایت ملنے کے بعد پولیس نے تحقیقات شروع کی اور ترنمول لیڈر کو گرفتار کرلیا۔پولس ذرائع کے مطابق پرگتی میدان تھانے کی پولیس نے راجو کو ہفتہ کی شام تقریباً 5:30 بجے ای ایم بائی پاس کے ابھیشیکتا چوراہے سے گرفتار کیا۔ بیلیہ گھاٹہ کے سوکمل دیب ناتھ نے ان پر مار پیٹ کرنے اور جان سے مارنے کی دھمکی دینے کا الزام لگایا تھا۔ کولکتہ پولیس کمشنر سپرتم سرکار نے کہا کہ گرفتاری اسی شکایت کی بنیاد پر کی گئی ہے۔ ان کے مطابق، "اس واقعے میں ایک مخصوص شکایت تھی۔ گرفتاری اسی شکایت کی بنیاد پر کی گئی تھی۔" سوکمل نے پولیس کو بتایا کہ راجو بھی ایک پروموٹر ہے۔ وہ بیلیہ گھاٹہ کے مین روڈ پر کرائے کے مکان میں اپنی بوڑھی ماں کے ساتھ رہتا ہے۔ وہ اس گھر میں تقریباً 75 سال سے رہ رہے ہیں۔ تاہم، سوکمل نے الزام لگایا کہ راجو نے اس زمین پر اپنی نگاہیں جما رکھی تھیں۔ اس کا دعویٰ ہے کہ اس پر مہینوں سے مکان خالی کرنے کے لیے دباو¿ ڈالا جا رہا تھا۔ مبینہ طور پر، راجو اور اس کے ساتھی اسے کہتے رہے کہ وہ مکان خالی کردے کیونکہ زمین پر ڈولپمنٹ کا کام ہوگا انہوں نے اسے کئی بار دھمکیاں بھی دیں۔ لیکن سوکمل شروع سے ہی کرائے کا مکان چھوڑنے سے گریزاں تھا۔

Source: social media